प्रेस संपादक व पत्रकार सेवा संघाच्या वतीने महाराष्ट्र दिनानिमित्त लोहा येथे गौरव/सत्कार सोहळा संपन्न

दैनिक चालु वार्ता नांदेड प्रतिनिधी-गोविंद पवार

प्रेस संपादक व पत्रकार व पत्रकार सेवा संघाचे संस्थापक अध्यक्ष डी टी आंबेगावे व नांदेड जिल्हाध्यक्ष संजीव कुमार गायकवाड यांच्या आदेशानुसार लोहा तालुका पत्रकार सेवा संघ नेहमीच समाजहिताचे कार्य हाती घेत उल्लेखनीय कार्य करणा-या मान्यवरांचा सत्कार/गौरव करत असल्याचे दिसून येते. प्रेस संपादक व पत्रकार सेवा संघाच्या वतीने लोहा येथे नुकताच महाराष्ट्र दिनाच्या निमित्ताने मान्यवरांचा गौरव सोहळा संपन्न झाला. लोहा शहरात ०१ मे महाराष्ट्र दिन व कामगार दिनाचे औचित्य साधून यादिवशी जन्मदिन असलेल्या काही सामाजिक कार्यकर्ते व राजकीय क्षेत्रातून व पत्रकारितेतून समाजकारणात आपला ठसा उमटवणाऱ्या सामाजिक कार्यकर्त्यांचा त्यामध्ये नांदेड जिल्हा नियोजन समितीचे सदस्य तथा लोहा पंचायत समिती सदस्य युवा सेना जिल्हा समन्वयक नवनाथ उर्फ बापू रोहिदासजी चव्हाण यांचा जन्मदिनानिमित्त व त्यांनी केलेल्या एकंदरीत केलेल्या विधायक कार्याचा आढावा घेऊन त्यांचा भव्यदिव्य सत्कार करण्यात आला. शिवसेनेचे ज्येष्ठ नेते तथा माजी आमदार रोहिदास चव्हाण यांच्या पावलावर पाऊल ठेवून चालणारे नांदेड जिल्ह्यातील व लोहा मतदार संघातील एकमेव युवा नेतृत्व ज्यांनी गत पाच वर्षाच्या कार्यकाळात ग्रामीण भागातील पाणी टंचाई, सर्वसामान्यांच्या समस्यांची अतिशय काळजीपूर्वक सोडवणूक केली. गोरगरीब सर्वसामान्य कष्टकरी यांच्या हाकेला ओं देत समाज हिताचे निर्णय घेतले. स्व.बाळासाहेब ठाकरे यांच्या ८० टक्के समाजकारण व २० टक्के राजकारण करत सतत ग्रामीण व शहरी भागातील लोकांची जनसेवा करत असल्याने याची पत्रकार सेवा संघाने दखल घेऊन गौरव सोहळा आयोजित केला.
तसेच लोहा नगरीचे माजी उपनगराध्यक्ष तथा ज्येष्ठ नगरसेवक केशवराव मुकदम चव्हाण यांची कै. व्यंकटरावजी मुकदम यांच्या शिकवणीची अंगी असलेल्या संयम, शांतता तसेच पक्षाशी असलेली एकनिष्ठता व त्यातून नगर वासियांच्या सुटलेल्या समस्या या कार्याची दखल घेत त्यांचा दस्ती, पुष्पहार घालून प्रेस संपादक व पत्रकार सेवा संघ तालुकाध्यक्ष शिवराज पवार यांच्या नेतृत्वाखाली भव्य सत्कार करण्यात आला.पत्रकारिता क्षेत्रात अतिशय उल्लेखनीय व जबाबदारीने काम करणारे लोकशाहीत वावरत असताना कुणावर अन्याय अत्याचार होत असेल तर त्यांनी नेहमीच वाचा फोडणारे पत्रकार म्हणून ज्यांचा उल्लेख केला जातो अशी “दो हंसो की जोडी” म्हणजे पत्रकार मोहन पवार व विलास सावळे या दोन्ही पत्रकारांचा गौरव सोहळा आयोजित करण्यात आला होता.
पत्रकार विलास सावळे यांना नुकताच समाज भूषण पुरस्कार प्राप्त झाल्याबद्दल त्यांच्या कार्याची दखल घेऊन व यांच्या जन्मदिनाचे औचित्य साधून तसेच पत्रकार मोहन पवार यांनी कित्येक वर्ष महाराष्ट्र मराठी पत्रकार संघात तालुकाध्यक्ष पदाची जबाबदारी अतिशय चांगल्या प्रकारे सांभाळल्या बद्दल व सामाजिक कार्याची विशेष दखल घेऊन जन्मदिनाचे औचित्य साधून प्रेस संपादक व पत्रकार सेवा संघाच्या वतीने त्यांचाही भव्य सत्कार करण्यात आला. यावेळी प्रेस संपादक व पत्रकार सेवा संघाचे नांदेड जिल्हा उपाध्यक्ष तथा ज्येष्ठ पत्रकार साहेबराव सोनकांबळे यांच्या प्रमुख उपस्थितीत पत्रकार सेवा संघाचे लोहा तालुकाध्यक्ष शिवराज पाटील पवार यांच्या नेतृत्वाखाली सामाजिक कार्यकर्ते उत्तम महाबळे यांच्या उपस्थितीत उपाध्यक्ष संजय कहाळेकर, सचिव प्रा.मारोती चव्हाण, सहसचिव तुकाराम दाढेल, कोषाध्यक्ष रमेश पवार,सहकोषाध्यक्ष संतोष तोंडारे, प्रसिद्धीप्रमुख शिवराज दाढेल यांसह प्रमुख पदाधिकारी व सदस्यांच्या उपस्थितीत ०१ मे २०२२ रोजी महाराष्ट्र दिन व कामगार दिनाचे औचित्य साधून प्रेस संपादक व पत्रकार सेवा संघ लोहा तालुक्याच्या वतीने जिल्हा नियोजन समितीचे सदस्य नवनाथ (बापू) रोहिदास चव्हाण, लोहा नगरीचे माजी उपनगराध्यक्ष केशवराव (मुकदम) चव्‍हाण, समाज भूषण पुरस्कार प्राप्त पत्रकार विलास सावळे, निर्भीड निपक्षपाती पत्रकार मोहन पवार यांचा सत्कार गौरव सोहळा आयोजित करण्यात आला होता.