दै चालु वार्ता 
द आफ्रिकेच्या कर्णधाराने भारताच्या या खेळाडूला ठरवलं पराभवास जबाबदार…
महिला विश्वचषक अंतिम सामन्यात भारताकडून दक्षिण आफ्रिकेचा संघ ५२ धावांनी पराभूत झाला. या सामन्यात भारताने प्रथम फलंदाजी करताना २९८ धावा केल्या होत्या. या आव्हानाचा पाठलाग करताना आफ्रिकेचा संघ २४६ धावांवर ऑल आऊट झाला.
आफ्रिका संघाची कॅप्टन लॉरा वोल्वार्ड्टने १०१ धावांची झुंजार शतकी खेळी केली. मात्र संघाला विजय मिळवून देण्यात अपयशी ठरली. ४० व्या ओव्हरपर्यंत सामना दोन्ही बाजून झुकता होता, मात्र त्यानंतर भारतीय गोलंदाजांनी मुसंडी मारली. सामना झाल्यावर कर्णधार लॉरा वोल्वार्ड्ट हिने सामना कुठे गमावला हे सांगितलं.
आम्ही खूप वेळ सामन्यात होतो, बरोबरीत सामना सुरू होता. माझी आणि (एनेरी) डर्कसनची भागीदारी चांगली झाली होती. मला वाटले होते की आम्ही हा सामना शेवटपर्यंत घेऊन जाऊ. मग जेव्हा आम्ही शेवटच्या १० षटके बाकी होतीत तेव्हा ती आऊट झाली आणि मग मीही आऊट झाली. क्लो (ट्रायोन) आणि नाडेस (नादिन डि क्लार्क) आम्हाला विजय मिळवून देऊ शकतात, पण शेवटी असे वाटले की आम्ही डि क्लार्कसाठी खूप जास्त धावा बाकी राहिल्या, असं लॉरा वोल्वार्ड्ट म्हणाली. एकंदरित आफ्रिका संघाचीही सामन्यावर पकड होती पण पाच विकेट घेणाऱ्या दीप्तीने डर्कसन, लॉरा वोल्वार्ड्ट आणि नादिन डि क्लार्क यांच्या विकेट घेत सामन्याला कलाटणी दिली.
या स्पर्धेत माझ्या एकदिवसीय क्रिकेटमध्ये बरीच प्रगती झाली आहे. सामना जिंकण्यासाठी तुम्हाला सकारात्मक आणि आक्रमक असणे आवश्यक आहे आणि मी या स्पर्धेत ते थोडेफार आजमावण्याचा प्रयत्न केला आहे. यानंतरही मला वाटते की एकदिवसीय क्रिकेटमध्ये हे माझे सर्वोत्तम वर्ष नव्हते, असंही वोल्वार्ड्टने म्हटलं आहे.
दक्षिण आफ्रिकेची कर्णधार वोल्वार्ड्टने सेमी फायनलमध्ये १६९ धावांची ऐतिहासिक खेळी केल्यानंतर भारताच्या विरोधात फायनल सामन्यात १०१ धावांची झुंजार खेळी केली. जर सामन्यात शेवटपर्यंत टिकली असता तर कदाचित सामन्याचा निकाल ती पालटवू शकली असती. दक्षिण आफ्रिकेचा संघ २०२३ आणि २०२४ मध्ये टी-२० वर्ल्ड कप स्पर्धेचा उपविजेता ठरला होता. आता वन डे वर्ल्ड कपच्या अंतिम फेरीत भारताकडून पराभव पत्करावा लागला.
