राजेंद्र हगवणे आणि सुशील हगवणेला अखेर अटक !

खेड्यात बसले होते लपून; 7 दिवसांपासून होते फरार…

वैष्णवी हगवणे मृत्यू प्रकरणातील एका महत्त्वपूर्ण घडामोडीत, पुणे पोलिसांनी सासरे राजेंद्र हगवणे आणि दिर सुशील हगवणे यांना अटक केली आहे. हे दोघे गेल्या सात दिवसांपासून फरार होते आणि आज सकाळी त्यांना ताब्यात घेण्यात आले.

पोलिसांना सूत्रांनी दिलेल्या माहितीनुसार, आरोपी एका लहान खेड्यात लपून बसले होते आणि पोलिस पथकाने त्यांचा माग काढून त्यांना ताब्यात घेतले आहे. यापूर्वी, वैष्णवीचा पती शशांक, नणंद करिश्मा आणि सासू लता हगवणे यांना या प्रकरणात अटक करण्यात आली होती.

वैष्णवी हगवणेच्या मृत्यूमुळे वाद निर्माण झाला होता, तिच्या पालकांनी आरोप केला होता की, तिला हुंड्यासाठी छळ सहन करावा लागला होता. शवविच्छेदन अहवालात तिच्या शरीरावर जखमा आढळून आल्या, ज्यामुळे तिच्यावर छळ करण्यात आल्याचे स्पष्ट झाले. वैष्णवीच्या पालकांनी दाखल केलेल्या तक्रारीवरून पोलिसांनी गुन्हा दाखल केला होता.