दैनिक चालु वार्ता 
दैनिक चालु वार्ता नांदेड प्रतिनिधी – गोविंद पवार
पिंपरी-चिंचवड शहरातील भारतीय जनता पार्टीचे ज्येष्ठ नेते व महापालिकेचे माजी सत्तारुढ पक्षेनेते एकनाथ पवार यांची भारतीय जनता पार्टीच्या प्रदेश प्रवक्तेपदी निवड झाली आहे,भाजपा प्रदेशाध्यक्ष चंद्रकांत पाटील यांनी तसे नियुक्तीपत्र दिले आहे.
यावेळी भाजपाचे शहराध्यक्ष,आमदार महेश लांडगे, माजी सत्तारुढ पक्षनेते नामदेव ढाके, प्रदेश कार्यकारिणी सदस्य सदाशिव खाडे, संघटन सरचिटणीस अमोल थोरात, चिंचवड विधानसभा निवडणूक प्रभारी शंकर जगताप, सह निवडणूक प्रभारी संतोष कलाटे, पुणे भाजपाचे प्रवक्ते संदीप खर्डेकर उपस्थित होते.
भाजपाचा अभ्यासू आणि प्रभावी वक्ता अशी एकनाथ पवार यांची ओळख आहे. महापालिकेत सत्ता मिळाल्यानंतर पहिल्यांदाच भाजपाच्या जुन्या कार्यकर्त्यांमधून पवार यांना सत्तारुढ पक्षनेतेपदी संधी देण्यात आली होती. राज्य आणि केंद्रातील दिग्गज नेत्यांच्या संपर्कात असलेले एकनाथ पवार भाजपाचे निष्ठावंत कार्यकर्ते म्हणून ओळखले जातात.
मी पक्षाचा सामान्य कार्यकर्ता असून,मा.मुख्यमंत्री तथा विपक्ष नेते देवेंद्र फडणवीस,प्रदेशाध्यक्ष चंद्रकांत दादा पाटील,संघटन मंत्री श्रीकांत भारतीय यांनी जो विश्वास दर्शवत ही जवाबदारी दिली,या पदाला नक्की न्याय देईन,आणि माझ्या पाठीशी भाजपा संगठनच भक्कमपणे उभे असल्याने मला कसलीही चिंता नाही.
– एकनाथ पवार
मा.सत्तारूढ पक्षनेते तथा नगरसेवक ( पिं.चिं.मनपा पुणे )
