भारत नाही ऑस्ट्रेलिया जिंकणार!

माजी ऑस्ट्रेलियन कर्णधाराने केला ‘हा’ दावा…

टीम इंडियाचा नवीन कर्णधार शुबमन गिलसाठी ऑस्ट्रेलिया दौरा आतापर्यंतच्या कारकिर्दीतील सर्वात मोठा आणि महत्वाचा कसोटी सामना ठरू शकतो. अलीकडेच चयन समितीने वनडे फॉरमॅटमधून रोहित शर्माला कर्णधारपदावरून हटवून शुबमनला टीमची कमान सोपवली आहे.

हा निर्णय जरी टीम इंडियाच्या भविष्याचा विचार करून घेतला गेला असला, तरी क्रिकेट विश्वात या निर्णयावर सतत चर्चा सुरू आहे. याच दरम्यान ऑस्ट्रेलियाचा माजी कर्णधार आरोन फिंचने एक मोठे विधान केले आहे.

फिंचने म्हटले की भारत आणि ऑस्ट्रेलिया यांच्यात होणारी तीन वनडे सामन्यांची मालिका “रोमांचक” ठरेल, पण त्यांचा अंदाज आहे की ऑस्ट्रेलिया ही मालिका 2-1 ने जिंकणार आहे. त्यांनी म्हटले, “भारताविरुद्ध सामना खेळणे नेहमीच जबरदस्त असते. विराट कोहलीच्या पुनरागमनामुळे टीम इंडियाचा आत्मविश्वास नक्की वाढेल, पण ऑस्ट्रेलिया आपल्या घरच्या परिस्थितीत खूप मजबूत संघ आहे. कागदावर दोन्ही संघ बरोबरीचे आहेत. पण माझ्या मते ही मालिका ऑस्ट्रेलियाच जिंकणार आहे.

फिंचने शुबमन गिलच्या कर्णधारपदाच्या क्षमतेचे कौतुक करत सांगितले की त्याने आधीच आयपीएल (गुजरात टायटन्स) आणि इंग्लंड टेस्ट मालिकेत नेतृत्व कौशल्य दाखवले आहे.त्यांनी असेही म्हटले की वनडेमध्ये कर्णधारपद सांभाळणे वेगळीच आव्हान ठरेल. त्यांनी सांगितले, “शुबमनने सिद्ध केले आहे की तो शांत मनाचा आणि विचारपूर्वक निर्णय घेणारा कर्णधार आहे, पण ऑस्ट्रेलियात परिस्थिती वेगळी आहे. त्याला धोरणात्मकदृष्ट्या मजबूत राहावे लागेल.”

फिंचने हेही मान्य केले की शुबमन गिलला रोहित शर्मा आणि विराट कोहलीसारख्या सीनियर खेळाडूंची साथ मिळेल, जी त्याच्या दृष्टीने मोठा आधार ठरेल. त्यांनी पुढे सांगितले, “इंग्लंड कसोटी मालिकेत शुबमनला मैदानावर सल्ला देणारा कोणताही सीनियर खेळाडू नव्हता, पण या वेळी रोहित आणि विराट दोघेही त्याच्यासोबत असतील, ज्यामुळे त्याला अनुभव आणि आत्मविश्वास मिळेल. दोघेही खेळाडू संघाला पुढे नेण्यासाठी महत्त्वाची भूमिका बजावतील.