संभाजीनगरमध्ये कथा वक्ते पंडित प्रदीपजी मिश्रा यांच्या महाशिव पुराण कथेचे आयोजन..

दैनिक चालु वार्ता उपसंपादक  छत्रपती संभाजीनगर – मोहन आखाडे

छत्रपती संभाजीनगर (औरंगाबाद) शहरातील श्री रामचंद्र मंदिर मठ, बालाजी ट्रस्ट मैदान, मार्केट यार्ड कमिटीच्या जवळ *पंडित प्रदीपजी मिश्रा* (सिहोरवाले) यांच्या महाशिव पुराण कथेचे आयोजन *श्री प्रदीप जैस्वाल* (आमदार तथा महानगर प्रमुख) छ. संभाजीनगर यांच्या तर्फे दिनांक 1 जून ते 7 जून 2023 दरम्यान करण्यात आले आहे..

छ. संभाजीनगरात होत असलेल्या श्री रामचंद्र मंदिर मठ, बालाजी ट्रस्ट मैदान मधील मोकळ्या जागेत शिवपुराण कथा वक्ते पंडित प्रदीपजी महाराज मिश्रा यांच्या शिवपुराण कथेच्या निमित्ताने कार्यकर्ते भव्य-दिव्य स्वरुपात परिपुर्णते बाबत युध्दपातळीवर प्रयत्न करत असून कथा ऐकण्यासाठी येणाऱ्या भाविकांची कोणतीही गैरसोय होणार नाही यासाठी सर्व प्रकारच्या माध्यमातून चोख नियोजन करण्यात येत आहे.

▪️छ. संभाजीनगर शहरातील विस्तीर्ण अशा मोकळ्या मैदानात 1 जून ते 7 जून 2023 या दरम्यान राष्ट्रीय पातळीवरील शिवपुराणकथेचे आपल्या ओजस्वी वाणीतुन निरुपण करणारे पंडित प्रदीप महाराज मिश्रा यांच्या वाणीतून शिवपुराण कथा ऐकण्यासाठी लाखोंच्या संख्येने भाविक उपस्थित राहतील असा अंदाज आहे. या कथेसाठी भव्य मंडप उभारण्यात येत असून कथेच्या निमित्ताने संपूर्ण परिसर हा स्वच्छ करण्यात येत आहे. बाहेर गावाहून येणाऱ्या वाहनांची पार्किंग व्यवस्था यावरही विशेष भर देण्यात येत आहे. केवळ संभाजीनगर जिल्हाच नव्हे तर संपूर्ण मराठवाडा तसेच परराज्यातूनही भाविक शिवपुराण कथेचे श्रवण करण्यासाठी छ. संभाजीनगर शहरात येणार आहेत.

श्री रामचंद्र मंदिर मठ, बालाजी ट्रस्ट मैदान, मार्केट यार्ड कमिटीच्या बाजूला, पिसादेवी रोड, छ्त्रपती संभाजीनगर..