दै चालु वार्ता 
कॅबिनेटचा आठव्या वेतन आयोगाला ग्रीन सिग्नल
केंद्रीय कर्मचाऱ्यांसाठी आनंदाची बातमी आहे. कॅबिनेट बैठकीत आठव्या वेतन आयोगाला ग्रीन सिग्नल मिळाला आहे. आठवा वेतन आयोग लागू झाल्यास सरकारी कर्मचाऱ्यांच्या वेतनात वाढ होणार आहे. आठव्या वेतन आयोगात कर्मचाऱ्यांच्या पगारात किती वाढ होणार आहे याबाबत माहिती लवकरच समोर येईल.
गेल्या अनेक दिवसांपासून सरकारी कर्मचाऱ्यांच्या मनात आठवा वेतन आयोग कधी लागू होणार असा प्रश्न निर्माण झाला होता. दरम्यान, आता लवकरच आठवा वेतन आयोग लागू होणार आहे. कॅबिनेटने आठवा वेतन आयोग लागू करण्यास मंजुरी दिली आहे.
मंत्री अश्विनी वैष्णव यांनी याबाबत पत्रकार परिषद घेऊन माहिती दिलेली आहे. यामुळे केंद्रिय कर्मचाऱ्यांच्या पगारात भरघोस वाढ होणार आहे. आठवा वेतन आयोग लागू झाल्यास कोणत्या कर्मचाऱ्यांना फायदा होणार याबाबत कोणतीही माहिती समोर आलेली नाही. याबाबत माहिती लवकरच सांगण्यात येईल.
याआधी केंद्रिय कर्मचाऱ्यांना सातव्या वेतन आयोगानुसार पगार मिळत होता. २०१४ मध्ये सातव्या वेतन आयोगाची घोषणा झाली होती. २०१६ मध्ये हा वेतन आयोग लागू करण्यात आला होता. दर दहा वर्षांनी नवीन वेतन आयोग लागू केला जातो. दरम्यान, आता आठवा वेतन आयोग लागू करण्याची घोषणा करण्यात आली आहे.
