राष्ट्रवादी युवक काँग्रेस तालुकाध्यक्षपदी शिवराज पाटील पवार यांची फेर निवड

दैनिक चालु वार्ता नांदेड प्रतिनिधी – गोविंद पवार

मागील अनेक कालावधीपासून राष्ट्रवादी काँग्रेस पक्षात एकनिष्ठ राहून सातत्याने तालुक्यात युवकांची मोट बांधून राष्ट्रवादी काँग्रेस च्या माध्यमातून गाव खेड्या पर्यंत पक्षाचे ध्येय धोरणे, विचार रुजविले व पक्ष वाढीसाठी प्रामाणिकपणे काम केल्याची दखल घेत पक्षातील वरिष्ठांनी त्यांच्यावर पुनश्च युवक तालुकाध्यक्ष पदाची जबाबदारी सोपविली आहे. तालुक्यातील चितळी येथील सामाजिक व राजकीय क्षेत्रात अग्रेसर असणारे युवा कार्यकर्ते शिवराज पाटील पवार यांची पक्षातील वरिष्ठांनी पुनश्च राष्ट्रवादी युवक काँग्रेस पक्षाच्या तालुकाध्यक्षपदी फेरनिवड करण्यात केली.

दि. ४ जून रोजी जिल्हा ग्रामीण राष्ट्रवादी युवक काँग्रेस पद नियुक्तीची बैठक नांदेड येथील शासकीय विश्रामगृह येथे राष्ट्रवादी काँग्रेस ग्रामीण जिल्हाध्यक्ष हरिहरराव भोसीकर यांच्या अध्यक्षतेखाली व युवक चे जिल्हाध्यक्ष धनाजी सूर्यवंशी यांच्या प्रमुख उपस्थितीत नूतन कार्यकारिणी निवड बैठक घेण्यात आली. या बैठकीला नांदेड जिल्हा पक्ष निरीक्षक आशाताई भिसे,राष्ट्रवादी युवक काँग्रेस प्रदेश सरचिटणीस तथा नांदेड पक्ष निरीक्षक निशांत वाघमारे,माजी आ. शंकरअण्णा धोंडगे यांची प्रमुख उपस्थिती होती. प्रमुख मान्यवरांच्या हस्ते नवनिर्वाचित पदाधिकाऱ्यांना नियुक्ती पत्र देण्यात आले.

माझ्यावर पक्षाने टाकलेली जबाबदारी मी प्रामाणिकपणे पार पडणार असून पक्षाचा विचार घराघरात आणि राष्ट्रवादी मनामनात या प्रमाणे पक्ष हित व पक्ष वाढीसाठी वरिष्ठांच्या आदेशाने आणि मार्गदर्शनाखाली काम करणार असल्याचे मत नव नियुक्त युवक चे तालुकाध्यक्ष शिवराज पाटील पवार यांनी व्यक्त केले.

पवार यांच्या निवडीबद्दल नांदेड जि. प. चे माजी उपाध्यक्ष दिलीपदादा धोंडगे, बाळासाहेब भोसीकर, शिवराज पाटील धोंडगे, जि. प. चे माजी शिक्षण व बांधकाम सभापती संजय पाटील कऱ्हाळे, मनोहर पाटील भोसीकर, प्रल्हाद पाटील फाजगे, छत्रू महाराज स्वामी, गजानन पाटील कऱ्हाळे, प्रा. प्रभाकर पवार, लक्ष्मण फुलझळके, नारायण हिलाल, ऍड. सुशील सावंत, राम पाटील पवार, स्वप्निल पांचाळ, पत्रकार मारोती कांबळे,पत्रकार तुकाराम दाढेल, बाळा पाटील क्षीरसागर, विलास चुडावकर, गजानन पालिमकर आदींनी सत्कार करून अभिनंदन केले.