दै चालु वार्ता 
इमारतीच्या डकमध्ये आढळला मृतदेह
नाशिकमधून धक्कादायक घटना समोर आली आहे. एका ८ वर्षांच्या मुलावर लैंगिक अत्याचार केल्याची घटना घडली आहे. पीडित मुलाचा मृतदेह इमारतीच्या डकमध्ये आढळून आल्याने परिसरात खळबळ माजली आहे.
ही घटना नाशिकच्या गंधर्व नगरी परिसरात घडली आहे असे म्हटले जात आहे.
८ वर्षीय मुलावर अनैसर्गिकरित्या अत्याचार केल्याचा प्रकार समोर आल्याने नाशिक हादरलं आहे. प्राथमिक माहितीनुसार, पीडित अल्पवयीन मुलगा मूकबधीर आहे. त्याच्या मूकबधीर असल्याचा फायदा संशयित आरोपीने घेतला. आरोपीने मुलावर अत्याचार केल्यानंतर त्याचा मृतदेह इमारतीच्या डकमध्ये टाकला. नाशिकच्या उपनगर पोलिस ठाण्यात गुन्हा दाखल करण्यात आला आहे. आरोपीचा शोध घेण्यासाठी नाशिक पोलिसांची ३ पथकं रवाना झाली आहेत.
