दै चालु वार्ता 
व्हिडिओ झाला व्हायरल ?
दिल्ली-मुंबई एक्सप्रेस महिलेसोबत शारीरिक संबंध करणाऱ्या मध्य प्रदेशातील कथित भाजप नेते मनोहरलाल धाकड याच्या अडचणी वाढू लागल्या आहेत. त्याचा आक्षेपार्ह व्हिडिओ व्हायरल झाल्यानंतर पोलिसांनी मनोहरलाल आणि त्याच्या महिला साथीदाराविरुद्ध गुन्हा दाखल केला.
सीसीटीव्हीमध्ये कैद झालेली त्याची गाडीही पोलिसांनी जप्त केली आहे. पोलिसांनी महिलेची ओळख पटवल्याचं सांगण्यात येत आहे. दोघांचाही शोध सुरू आहे. त्याचवेळी, भाजपनं मनोहर लाल याला पक्षाचा नेता किंवा कार्यकर्ता म्हणून स्वीकारण्यासही नकार दिला आहे. यासोबतच, धाकड समुदायाने स्वतः मनोहर लाल याच्यापासून दूर राहून त्याला त्याच्या जबाबदाऱ्यांपासून मुक्त केलं आहे. त्याचवेळी, व्हायरल होणाऱ्या व्हिडिओबाबत एक मोठी गोष्टही समोर आली आहे.
मंदसौर जिल्हा पंचायतीच्या वॉर्ड क्रमांक ८ मधून निवडून आलेल्या भाजप समर्थित सदस्याचे पती आणि कथित भाजप नेते मनोहरलाल धाकड याचा एक अश्लील व्हिडिओ नुकताच सोशल मीडियावर व्हायरल झाला होता. हा व्हिडिओ १३ मे रोजी दिल्ली-मुंबई एक्सप्रेसवेवर बसवलेल्या सीसीटीव्ही कॅमेऱ्यांमध्ये कैद झाला आहे. व्हिडिओमध्ये मनोहरलाल धाकड एका महिलेसोबत त्याच्या कारमधून (एमपी-१४-सीसी-४७८२) उतरतो. यावेळी महिलेने कपडे घातलेले नाहीत. गाडीतून उतरल्यानंतर दोघेही एक्सप्रेस वेवर शारीरिक संबंध ठेवू लागतो. ही संपूर्ण घटना तिथे बसवलेल्या सीसीटीव्ही कॅमेऱ्यात कैद झाली आहे. नंतर, व्हिडिओ सोशल मीडियावर व्हायरल झाल्यानंतर संपूर्ण घटना उघडकीस आली. डीआयजींनी दिलेल्या माहितीनुसार, मंदसौरच्या भानपुरा पोलिसांनी मनोहरलाल धाकड आणि त्याच्या महिला मैत्रिणीविरुद्ध गुन्हा दाखल करून तपास सुरू केला.
मनोहरलाल धाकड आणि त्याच्या महिला सहकाऱ्याचा अश्लील व्हिडिओ एनएचएआय कर्मचाऱ्यांनी व्हायरल केला आहे. एनएचएआयच्या कर्मचाऱ्यांनी धाकडला व्हिडिओ दाखवून ब्लॅकमेल करण्याचा प्रयत्न केला होता. पण जेव्हा प्रकरण सुटलं नाही तेव्हा कर्मचाऱ्यांनी व्हिडिओ लीक केला. धाकडच्या कुटुंबातील सदस्याने पोलिसांना ही माहिती दिली आहे. आता पोलीस या प्रकरणाचाही तपास करत आहेत.
