संभाजीराजे छत्रपती यांनी केली आज “स्वराज्य” संघटनेची स्थापना; अपक्ष निवडणूक लढविण्याचीही घोषणा

दैनिक चालु वार्ता पुणे प्रतिनिधी – शाम पुणेकर.

पुणे :पुणे – राज्यसभेची निवडणूक अपक्ष म्हणून लढवणार असल्याची घोषणा संभाजीराजे छत्रपती यांनी केली आहे. पुण्यातील पत्रकार परिषदेत त्यांनी ही घोषणा केली. तसेच ‘स्वराज्य’ संघटनेची स्थापना करणार असल्याचेही त्यांनी सांगितले. संभाजीराजे यांच्या या घोषणेनंतर राजकीय वर्तुळात जोरदार चर्चा सुरु झाली आहे.

संभाजीराजे म्हणाले, लवकरच मी महाराष्ट्राचा दौरा करणार आहे. लोकांना स्वराज्याच्या नावाखाली एकत्र करण्यासाठी हा दौरा करणार आहे. जनतेचे संघटन कसे करता येईल यासाठी प्रयत्न करणार आहे. जिथे अन्याय होतो तिथे लढा देणार आहे. शिवाजी महाराज आणि शाहू महाराजांचे विचार पोहोचवण्यासाठी ही संघटना स्थापन करणार आहे.

संभाजीराजेंचा राज्यसभेचा कार्यकाळ नुकताच संपला आहे. संभाजीराजे यांनी पुढची आपली भूमिका आज १२ मे रोजी जाहीर केली. संभाजीराजे छत्रपती यांना आपल्या पक्षात घेण्यासाठी अनेक राजकीय पक्षांची धडपड सुरु होती. काही दिवसांपूर्वीच कोल्हापूरचे पालकमंत्री सतेज पाटील यांनी त्यांची भेट घेतली होती