चंद्रपूरातील पूरग्रस्त नागरिकांना धनादेश मंजूर. !!!!! पंचनामे करुन आर्थिक मदत करण्याचे आ. किशोर जोरगेवारांनी दिले होते निर्देश

दैनिक चालू वार्ता प्रतिनिधी -प्रदिप मडावी 

चंद्रपूर
चंद्रपूरचे आमदार किशोर जोरगेवार यांनी अधिका-यांसह पुरग्रस्त भागाची पाहणी केली होती. यावेळी नुकसानीचे तात्काळ पंचनामे करुन पिडीतांना आर्थिक मदत करण्याचे निर्देश आमदार त्यांनी प्रशासनाला दिले होते. त्यांनतर प्रशासनाने तत्परता दाखवत सर्व पंचनामे करुन पुरपिडीतांना धनादेश मंजूर केले .सदरहु धनादेश वितरीत करण्याचे काम प्रशासनाच्या वतीने नुकतेच सुरु करण्यात आले आहे.
दोन आठवड्यां पूर्वी चंद्रपूरात पूरपरिस्थीती होती. दरम्यान आमदार जोरगेवार यांनी येथील तहसिलदार निलेश गौंड यांच्यासह संबंधित अधिका-यांना घेऊन पुरपरिस्थिची पाहणी केली होती. यावेळी अनेकांची घरे पाण्यात बुडाल्याने त्यांची अस्थायी निवा-यात राहण्याची व्यवस्था करण्यात आली होती. शहरातील रहमत नगर, भिवापूरातील भंगाराम आणि सहारा पार्क भाग अधिक प्रभावित झाला होता. या भागाचीही आमदार जोरगेवार यांनी पाहणी केली होती. आमदार जोरगेवार यांच्या सुचनेनंतर येथील नागरिकांच्या भोजनाची व्यवस्था यंग चांदा ब्रिगेडच्या वतीने करण्यात आली होती. सदरहु पाहणी दौ-या दरम्यान आमदार जोरगेवार यांनी नुकसानीचे पंचनामे करुन तात्काळ शासकीय मदत देण्याचे निर्देश प्रशासनाला दिले होते. या नंतर नायब तहसीलदार यांनी नुकसानीचे पंचनामे केले. पंचनामांच्या आधारावर एक हजार पाचशे पन्नास नागरिकांना धनादेश मंजूर करण्यात आले. दरम्यान आज सहारा पार्क आणि राज नगर येथील नागरिकांना प्रशासनाच्या वतीने सदरहु धनादेशचे वाटप करण्यात आले. यावेळी तलाठी वर्भे, यांच्यासह यंग चांदा ब्रिगेडच्या महिला शहर संघटिका वंदना हातगावकर, बंगाली समाज महिला शहर प्रमुख सविता दंडारे, अल्पसंख्याक विभागाचे युथ शहर प्रमुख राशेद हुसेन, युवती प्रमुख भाग्यश्री हांडे, सायली येरणे आदींची उपस्थिती होती.