पती-पत्नीची झोपेत गळा चिरून हत्या दोन्ही मुले बचावले: भंडारा जिल्हा हादरला!

दैनिक चालू वार्ता प्रतिनिधी- संभाजी गोसावी

भंडारा जिल्ह्यांतील तुमसर तालुक्यांतील गोबरवाही परिसरात अज्ञात चोरट्यांनी घरात झोपलेल्या पती-पत्नीची हत्या केली. सुशील बोरकर ( वय ४६) व सरिता बोरकर ( वय ४२) अशी मृत पती-पत्नीची नावे आहेत. याबाबत पोलीस सूत्रांकडूंन मिळालेल्या माहितीवरून गुरुवारी रात्री बोरकर कुटुंबीय सर्व सदस्य अगदी हसत खेळत झोपी गेले होते. तर शेजारच्या खोलीत त्यांची दोन मुले झोपली होती. याच वेळी हा सर्वात थरार घडला. आज सकाळी बराच वेळ दरवाजा न उघडल्यांने शेजारच्यांना संशय आला यानंतर शेजाऱ्यांनी घराचा दरवाजा उघडला असता पती-पत्नी मृत अवस्थेत आढळून आले. दोघांचेही मृतदेह रक्ताच्या थारोळ्यांत पडले होते. त्यांची गळा चिरून हत्या करण्यांत आली होती. यानंतर शेजाऱ्यांनी तात्काळ या घटनेची माहिती गोबरवाही पोलिसांना दिली पोलीस तात्काळ घटनास्थळी दाखल झाले. या गंभीर घटने संदर्भात दोन्ही बाजूने तपास सुरु असल्यांचे पोलिसांनी सांगितले.