इप्का फाउंडेशन तर्फे ऑटोमॅटिक पॅथॉलॉजी लॅब मशिनरी व अल्ट्रासाउंड सोनोग्राफी मशीनची देणगी.

दैनीक चालु वार्ता औरंगाबाद उपसंपादक- मोहन आखाडे

महावीर ट्रस्ट औरंगाबाद संचलित महावीर फाउंडेशन च्या अंतर्गत चालणाऱ्या महावीर डायग्नोस्टिक सेंटरला इप्का फाउंडेशन तर्फे 51 लाख रुपयाची अत्याधुनिक मशनरी दिनांक २७ नोव्हेंबर २०२२ रोजी सुपूर्त केली, यावेळी इप्का फाउंडेशनचे कमलेश जैन, इप्का लॅबोरेटरीज लिमिटेड औरंगाबाद प्लांट चे युनिट हेड श्री. संजय चौबे , मानव संसाधन विभाग प्रमुख व्यंकट मैलापूरे यांच्या हस्ते सदरील मशीनचे लोकार्पण करण्यात आले.

कार्यक्रमाच्या अध्यक्षस्थानी महावीर इंटरनॅशनल चे आंतरराष्ट्रीय महासचिव सी.ए. अनिल कुमार जैन हे होते व प्रमुख उपस्थितीमध्ये महावीर इंटरनॅशनलचे आंतरराष्ट्रीय मीडिया संचालक श्री. रमेशचंदजी बाफना, झोन चेअरमन राजकुमारजी जैन , झोन सेक्रेटरी सतिशजी चोपडा, विकासजी पाटणी हे होते कार्यक्रमाचे सूत्रसंचालन सह्याद्री डायग्नोस्टिकचे डॉ. सन्मती ठोले यांनी केले तसेच, या डायग्नोस्टिक सेंटरमध्ये गरजवंतांना ३५ ते ४० % आजार भावापेक्षा कमी दरात सर्व तपासण्या करून मिळतील असे ठोले यांनी आपल्या प्रस्ताविक पर संबोधताना सांगितले.

त्यासाठी गरजूंनी या योजनेचा लाभ घ्यावा असे आव्हान केले तर इप्का फाउंडेशनचे कमलेश जैन यांनी आम्ही अद्यावत मशीनरी सह्याद्री डायग्नोस्टिक व सेंटरची आवश्यकता पाहून व त्याचे मागील समाजासाठीचे काम पाहून त्यांना ही मशीन देत आहोत तरी त्यांनी या मशीनच्या माध्यमातून गरजवंताची सेवा निरंतर चालू ठेवावी असे मनोगत व्यक्त केले. आभार प्रदर्शन 

श्री. जी.एम. बोथराजी यांनी केले