डोणगावमध्ये वार्ड क्रमांक १ येथे छत्रपती फाउंडेशनच्या पुढाकाराने होळी उत्साहात साजरी

डोणगाव प्रतिनिधी सालार बेग 

डोणगाव : वार्ड क्रमांक १ येथे छत्रपती फाउंडेशन यांच्या वतीने सर्व माता-भगिनींना एकत्रित घेऊन होळीचा सण मोठ्या उत्साहात आणि आनंदात साजरा करण्यात आला. या कार्यक्रमात महिलांनी मोठ्या संख्येने सहभाग नोंदवत सामाजिक ऐक्याचा संदेश दिला.

कार्यक्रमाची सुरुवात पारंपरिक होळी पूजनाने करण्यात आली. त्यानंतर महिलांनी एकमेकांना रंग लावत, फुलांची उधळण करत व पारंपरिक गीते सादर करत आनंद व्यक्त केला. यावेळी विविध मनोरंजनात्मक खेळ व स्पर्धांचे आयोजन करण्यात आले होते. विजेत्यांचा सन्मान करून त्यांना बक्षिसे प्रदान करण्यात आली.

छत्रपती फाउंडेशनच्या पदाधिकाऱ्यांनी सांगितले की, होळी हा प्रेम, बंधुभाव आणि एकतेचा सण आहे. समाजातील सर्व घटकांनी एकत्र येऊन आनंद साजरा करणे हीच खरी परंपरा असल्याचे त्यांनी नमूद केले.

या उपक्रमामुळे डोणगाव परिसरात उत्साहाचे वातावरण निर्माण झाले असून, महिलांमध्ये आनंद आणि समाधानाची भावना दिसून आली.