मांजरी भागात गुंडागर्दी करणाऱ्या घटनेत आणखी 3 आरोपींना हडपसर पोलिसांनी ताब्यात घेतले.

दैनिक चालू वार्ता वृत्तसेवा पुणे-

मांजरी भागात गुंडागर्दी करणाऱ्या घटनेत सात आरोपी पोलिसांनी ताब्यात घेतले होते तर तीन आरोपी फरार होते, हडपसर पोलीस पथकाने शर्थिचे प्रयत्न करून तीन आरोपीना भिवंडी व अहमदनगर मधून अटक केली आहे, मांजरी मधील हा प्रकार नागपूर अधिवेशन मध्ये गाजला होता, पोलिसांच्या या धडाकेबाज कारवाईचे कौतुक होत आहे.

हडपसरचे वरिष्ठ पोलीस निरीक्षक अरविंद गोकुळे यांनी दिलेल्या माहितीनुसार मांजरी येथील गोपाळपट्टी मध्ये भांडण करून हवेत कोयते फिरवून दहशत निर्माण केल्याने हडपसर पोलीस स्टेशन मध्ये गुन्हा दाखल झाला होता, दिनांक 09/12/2022 रोजी महाराजा बियर शॉपी च्या समोरील रस्त्यावर, मेन गोपाळपटटी चौक, मांजरी ब्राुद्रुक पुणे या ठिकाणी अनोळखी गुंडानी गैरकायदयाची मंडळी जमवुन किरकोळ कारणावरून स्थानिक लोंकाना शिवीगाळ करुन दगडाने, बेल्टने मारहाण करुन जखमी करुन मो/सायकलवरुन पळुन जाताना गाडीला लावलेली कोयते हवेत फिरवत दहशत निर्माण केल्याने हडपसर पोलीस ठाणे गु.र.नं 1554/2022, भा.द.वि.कलम – 307, 324,504,506,143,145, 147,149 सह क्रिमीनल लॉ अमेंटमेंट कलम 3 व 7 प्रमाणे, भारतीय हत्यार कायदा कलम- 4(25), महाराष्ट्र पोलीस अधिनियम कलम- 37(1)(3) सह 135 प्रमाणे गुन्हा दाखल करण्यात आला होता.