विद्युत रोहित्राला शॉक लागून बिबट्याचा मृत्यू

दैनिक चालु वार्ता उपसंपादक आष्टी-अवधूत शेंद्रे

आष्टी(श)(वर्धा): नजीकच्या साहूर येथील बोरखेडी शिवारात शेत सर्व्हे न ४५ मध्ये अंदाजे अडीच वर्षीय मादी बिबट विद्युत रोहित्राला (डीपी) धक्का लागून ठार झाल्याची घटना काल सकाळीच उघडकीस आली त्याच रोहित्राच्या वरच्या टोकावर (डीपी) एक माकड चढल्यामुळे मृत झाल्याची माहिती आहे या दोन्ही वन्यप्राण्याच्या मृताचा एकमेकांशी संबंध आहे काय? हे तपासल्या जात आहे काहींच्या मते माकडाच्या शिकारीच्या

नादात रोहित्रावर चढल्याने मृत झाल्याचे म्हटल्या जाते संबंधित शेतकऱ्याला हा प्रकार दिसतात त्यांनी संपर्क साधून घटनेची माहिती कळविली आणि बाकी प्रशासकीय सोपस्कार पार पडले यात बिबटाचे शवविच्छेदन अहवाल तयार करून अग्नी देण्यात आला आणि वरिष्ठ कार्यालयास मृत बिबट्याच्या बाबतीत कळविण्यात आले तेव्हा वर्धा सहाय्यक वनसंरक्षक अधिकारी गजानन बोबडे घटनास्थळावर हजर झाले आणि कारवाई करण्यात आली घटनेच्या बाबतीत संबंधित वनरक्षक गोविंद सोन्नर यांच्या भ्रमणध्वनीवर संपर्क केला असता सोन्नर यांनी माहिती

देण्यास टाळाटाळ करण्याचा प्रयत्न करताच प्रस्तुत प्रतिनिधीनी आष्टी वनपरिक्षेत्र अधिकारी योगानंद ऊइके यांचे नाव सांगताच मनात नसूनही सोन्नर यांनी कशीबशी माहिती सांगितली त्यामुळे वाचकांसाठी मोठ्या कष्टाने माहिती उपलब्ध होऊ शकली घटनास्थळी वन्यप्राणी संघटना प्रतिनिधी, वीज वितरण कंपनी,पशू आरोग्य विभाग व वनविभागाचे अधिकारी कर्मचारी उपस्थित होते