दै चालु वार्ता 
दैनिक चालू वार्ता उपसंपादक धाराशिव
धाराशिव:- विधानसभेच्या निवडणुकीची घोषणा होताच महायुतीला मोठा धक्का बसला आहे.राष्ट्रीय समाज पक्षाचे नेते महादेव जानकर यांनी महायुतीतून बाहेर पडण्याची घोषणा केली आहे. महादेव जानकर यांचा पक्ष आता राज्यात स्वबळावर निवडणूक लढवणार आहे.भूम परंडा वाशी विधानसभा मतदारसंघातून राष्ट्रीय समाज पक्षाकडून डॉ.राहुल घुले यांची उमेदवारी निश्चित झाल्याची चर्चा आहे.आरोग्यदूत डॉ.राहुल घुले यांनी ही परंडा विधानसभा निवडणुकीच्या रिंगणात उतरण्याचे संकेत दिले आहेत.नुकतीच राष्ट्रीय समाज पक्षाचे नेते संस्थापक अध्यक्ष महादेव जानकर यांची डॉ.राहुल घुले यांनी मुंबई येथे भेट घेऊन उमेदवारीची मागणी केली व त्यांनी ही सकारात्मक प्रतिसाद दिला असल्याची माहिती मिळत आहे.
