दै चालु वार्ता 
पंकजा मुंडेंचा सूचक इशारा
राज्याच्या पर्यावरण मंत्री पंकजा मुंडे यांनी गोपीनाथ मुंडे यांच्या योगदानाचा आणि त्यांच्या प्रेमाचा उल्लेख करत म्हटले की, त्यांच्यावर प्रेम करणाऱ्या लोकांमध्ये इतकी ताकद आहे की, एक वेगळा पक्ष उभा होऊ शकतो.
पंकजा मुंडे यांनी रविवारी नाशिकमध्ये आयोजित एका कार्यक्रमात हे वक्तव्य केले. या विधानामुळे राजकीय वर्तुळात चर्चा सुरू झाली आहे.
पंकजा मुंडे यांनी त्यांच्या वडिलांच्या आठवणींचा उल्लेख करत हे स्पष्ट केले की, गोपीनाथ मुंडे यांच्यावर प्रेम करणारे लोक त्यांच्यासोबत आहेत. त्या म्हणाल्या, ‘गोपीनाथ मुंडे यांच्यावर प्रेम करणाऱ्यांच्या संख्येची ताकद इतकी आहे की एक वेगळा पक्ष निर्माण होऊ शकतो.’ पंकजा मुंडे यांनी हे देखील स्पष्ट केले की, लोक वडिलांच्या गुणांना आणि त्यांच्या कार्याला प्रेम करतात. गोपीनाथ मुंडे यांच्या कार्यामुळेच भाजप राज्यात मजबूत झाला, असे पंकजा मुंडे म्हणाल्या. त्यांच्या या वक्तव्यावरून भाजपला सूचक इशारा देण्यात आल्याची चर्चा आहे.
पंकजा मुंडे यांनी बीडमधील संतोष देशमुख हत्याकांडावर भाष्य करत, या प्रकरणाच्या संवेदनशीलतेवर लक्ष केंद्रित केले. तसेच, त्यांनी धनंजय मुंडे यांच्या मंत्रिमंडळातील राजीनाम्याबाबत सुरू असलेल्या चर्चेवर स्पष्ट सांगितले की, या निर्णयाचा अंतिम ठराव मुख्यमंत्री देवेंद्र फडणवीस आणि उपमुख्यमंत्री अजित पवार घेतील. पंकजा मुंडे यांनी या संदर्भात नेमके कोणतेही वक्तव्य केलं नाही.
पंकजा मुंडे रविवारी नाशिकच्या स्वामी समर्थ केंद्रातील कार्यक्रमाला उपस्थित होत्या. यावेळी त्यांनी श्रद्धा-अंधश्रद्धा या विषयावर भाष्य केले.
स्वामींच्या कृपेने मला पर्यावरण खातं मिळालंय. पण मी अंधश्रद्धाळू अजिबात नाही. माझ्या बाबांचा गणपती दूध पीत नव्हता, असे पंकजा मुंडे यांनी म्हटले होते.
