संभाजी ब्रिगेडच्या जिल्हा कार्यकारिणीत नवी नियुक्ती ; कार्यकर्त्यांमध्ये उत्साहाचे वातावरण

दैनिक चालु वार्ता उदगीर प्रतिनिधी-अविनाश देवकते

लातूर (उदगीर) : दि. 29 जून 2025, रविवार रोजी उदगीर येथे संभाजी ब्रिगेडच्या लातूर जिल्हा कार्यकारिणीची बैठक पार पडली. या बैठकीत संघटनेच्या कार्यात होत असलेल्या वाढीमुळे नव्या पदांची निर्मिती करून नवीन कार्यकर्त्यांना संधी देण्यात आली.

संभाजी ब्रिगेडचे लातूर जिल्हाध्यक्ष शिवश्री राजकुमार माने यांच्या अध्यक्षतेखाली या नियुक्त्या जाहीर करण्यात आल्या.

संघटनेच्या वाढत्या कार्याचा विचार करता होतकरू, अभ्यासू व कार्यक्षम कार्यकर्त्यांना पदांवर नियुक्त करून संघटन बळकट करण्यासाठी ही पावले उचलण्यात आली आहेत. यावेळी खालील नवनियुक्त पदाधिकाऱ्यांची घोषणा करण्यात आली –

________________________________________

🔹 संभाजी ब्रिगेड लातूर जिल्हा प्रवक्ते – शिवश्री दत्ता गिरी महाराज

🔹 उदगीर शहराध्यक्ष – शिवश्री शिवा पाटील

🔹 नागलगाव सर्कल प्रमुख – शिवश्री पांडुरंग भाऊ बिरादार

________________________________________

या नियुक्त्यांमुळे संघटनेच्या विविध पातळ्यांवरील कार्यास अधिक बळ मिळणार असून कार्यकर्त्यांमध्ये नवचैतन्य निर्माण झाले आहे. जिल्हाध्यक्ष शिवश्री माने यांनी या नियुक्त्यांबाबत समाधान व्यक्त करत सांगितले की, “संघटनेच्या विचारांना समर्पित कार्यकर्त्यांना संधी देऊन आम्ही सामाजिक परिवर्तनाच्या दिशेने वाटचाल करत आहोत.”

यावेळी उपस्थित मान्यवरांमध्ये जिल्हा सचिव शिवश्री मोहनेश्वर विश्वकर्मा, शिवश्री मुरलीधर बिरादार सर, शिवश्री शरद रावणकोळे, शिवश्री अजय बिरादार, शिवश्री धोंडिबा झुमकेवाड, शिवश्री किरण बिरादार, शिवश्री सुरज माने, शिवश्री दत्ता बिरादार, शिवश्री श्रावण पवार आदींचा समावेश होता.

या कार्यक्रमाच्या निमित्ताने नव्याने नियुक्त झालेल्या पदाधिकाऱ्यांचे अभिनंदन करण्यात आले तसेच त्यांच्या कार्यासाठी शुभेच्छाही देण्यात आल्या. या नियुक्त्यांमुळे संपूर्ण जिल्ह्यातील कार्यकर्त्यांमध्ये ऊर्जा व एकजूट दिसून आली आहे.

—