दोन ट्रकची समोरासमोर धडक

दैनिक चालू वार्ता नांदुरा प्रतिनिधी- किशोर वाकोडे

नांदुरा : दि.११.शहरातून जाणाऱ्या राष्ट्रीय महामार्गावर मुंधडा पेट्रोल पंपाजवळ दोन ट्रक मध्ये समोरा-समोर धडक होऊन अपघात झाल्याची घटना ११ जून रोजी सकाळी ५ वाजताच्या दरम्यान घडली.यामध्ये ट्रक चालक व वाहक गंभीर जखमी झाले आहे. समीर पठाण व व फिरोज खान अशी जखमींचे नावे आहेत.

याबाबत प्राथमिक प्राप्त माहितीनुसार ट्रक क्रमांक RJ CD ५२२२ हा मलकापूर कडून खामगाव कडे जात असताना ट्रक क्रमांक HH-BH ९१७१ हा ट्रक खामगाव वरून मलकापूर कडे जात असताना दोघात भीषण अपघात झाला. या अपघातात ट्रक क्रमांक RJ-CD ५२२२ ट्रक ने पेट घेतला व ट्रकचे चालक व वाहक दोन्ही गंभीररीत्या जखमी झाले. घटनेची माहिती मिळताच सामाजिक कार्यकर्ते व पोलिसांनी जखमींना बाहेर काढून येथील प्राथमिक आरोग्य केंद्रात उपचाराकरिता दाखल केले. मात्र यातील चालकाची तब्येत गंभीर असल्याने त्यावर प्राथमिक उपचार करून १०८ रुग्णवाहिकाने पुढील उपचाराकरिता अकोला येथे हलविण्यात आले आहे.घटनेचा पुढील तपास नांदुरा पोलीस करीत आहे.