दै चालु वार्ता 
पुण्यातील गुन्हेगारीच्या घटना थांबण्याचे नाव घेत नाहीत. दोन दिवसापूर्वी एका तरुणाने येरवडा चौकात अश्लील वर्तन केल्याची बातमी समोर आली होती. या घटनेला दोन दिवस उलटत नाहीत तो पर्यंत आता एका तरुणाला टोळक्याने बेदम मारहाण केल्याची धक्कादायक घटना समोर आली आहे.
काल रात्री भारताने सामना जिंकल्यानंतर एफसी रोडवर तरुणांनी मोठा जल्लोष केला. यावेळी काही तरुणांनी एका तरुणाला बेदम मारहाण केल्याची धक्कादायक घटना समोर आली आहे. याबाबतचा एक व्हिडीओ व्हायरल झाला आहे.
जल्लोष दरम्यान टोळक्याकडून एका तरुणाला चाकूने मारहाण. पाच ते सहा जणांकडून एका तरुणाला बेदम मारहाण करण्यात आली. या मारहाणीत एक तरुण गंभीर जखमी झाला आहे. तरुणाला चाकुने बेल्टने आणि दगडाने तरुणाला मारहाण केली आहे. या घटनेतील एका आरोपीला पोलिसांनी ताब्यात घेतले आहे. अन्य आरोपींचा पोलिसांनी शोध सुरू केला आहे.
