शेतकऱ्यांच्या आर्त हाकेला आवाज — युवक काँग्रेसचे सकारात्मक पाऊल.  “दुबार पेरणीसाठी आर्थिक मदतीची जोरदार मागणी; कृषीमंत्र्यांशी थेट चर्चा करून तात्काळ उपाययोजना करण्याचे आश्वासन.”

दैनिक चालु वार्ता  उदगीर प्रतिनिधी-अविनाश देवकते

लातूर (उदगीर) :

सध्याच्या बदलत्या हवामानामुळे आणि कमी पडणाऱ्या पावसामुळे उदगीर तालुक्यातील बहुतांश शेतकरी संकटात सापडले आहेत. अनेक ठिकाणी दुबार पेरणीची वेळ आली असून, शेतकऱ्यांपुढे आर्थिक अडचणीचे मोठे संकट उभे राहिले आहे. याच पार्श्वभूमीवर युवक काँग्रेस, उदगीर तालुका यांच्या वतीने शेतकऱ्यांच्या विविध मागण्यांसाठी तहसीलदार यांना निवेदन देण्यात आले.

युवक काँग्रेसचे तालुकाध्यक्ष विवेक पंडितराव जाधव यांच्या नेतृत्वाखाली दिलेल्या या निवेदनात शेतकऱ्यांच्या डबऱ्या पेरणीसाठी तातडीने आर्थिक मदत जाहीर करावी, ऑनलाईन अर्ज प्रक्रियेत येणाऱ्या अडचणी दूर कराव्यात, तसेच ई-पीक पाहणी व पीकविमा अर्जांची अंमलबजावणी शेतकऱ्यांच्या सोयीने पारदर्शकपणे व्हावी, अशी जोरदार मागणी करण्यात आली.

________________________________________

आमदार संजय बनसोडे यांनी कृषीमंत्र्यांशी थेट चर्चा केली

सदर निवेदनाची गांभीर्याने दखल घेत उदगीरचे आमदार व माजी मंत्री मा. संजय बनसोडे यांनी महाराष्ट्र राज्याचे कृषी मंत्री यांच्याशी तातडीने संपर्क साधून शेतकऱ्यांच्या अडचणी मांडल्या. या चर्चेनंतर त्यांनी “शेतकऱ्यांना मदतीसाठी शासन सकारात्मक आहे. शक्य तितक्या लवकर मदत जाहीर केली जाईल” असे आश्वासन युवक काँग्रेस प्रतिनिधींना दिले.

________________________________________

—

ऑनलाईन प्रक्रिया अडथळ्यांची बनलीय जाळं

विवेक जाधव यांनी सांगितले की, “मोबाईल, इंटरनेट, कॉमन सर्व्हिस सेंटर आणि महा-ई सेवा केंद्रांच्या माध्यमातून ऑनलाईन प्रक्रिया पूर्ण करण्यास अनेक शेतकऱ्यांना अडचणी येत आहेत. इंटरनेट कनेक्टिव्हिटी, तांत्रिक अडथळे, माहितीचा अभाव, एजंटकडून होणारी फसवणूक यामुळे शेतकरी भरडला जातोय. शासनाने यावर त्वरित लक्ष द्यावे.”

—

युवक काँग्रेसची शेतकऱ्यांसाठी बांधिलकी

युवक काँग्रेसच्या या शिष्टमंडळात विकास माने, संकेत राठोड, आकाश जाधव, सौरभ गंगाधरे, गणेश साठे, रोशन राठोड, संजय कंद, अमोल गवळी आदी कार्यकर्त्यांचा समावेश होता.

विवेक जाधव यांनी स्पष्टपणे सांगितले की, “शेतकऱ्यांच्या हक्कांसाठी आम्ही सदैव सजग आहोत. केवळ आंदोलन न करता शासकीय पातळीवर थेट चर्चा करून प्रश्न सोडवण्याची आमची भूमिका आहे.”

________________________________________

“दैनिक चालू वार्ता”ची परखड मांडणी

शेतकऱ्यांच्या या प्रश्नाची दखल घेत *”दैनिक चालू वार्ता”* ने ही बाब प्रभावीपणे पुढे आणली. शासन दरबारी आवाज पोहोचवण्याचे कार्य या बातमीतून करण्यात आले असून, यामुळे प्रशासन अधिक सक्रिय होण्याची शक्यता आहे.

________________________________________

राजकीय मतभेद बाजूला ठेवून युवक काँग्रेसने शेतकऱ्यांसाठी लढण्याची भूमिका घेतल्याचे या उपक्रमातून दिसून येते. शासनाने या निवेदनाची तातडीने दखल घेऊन शेतकऱ्यांना दिलासा देणारी कार्यवाही करावी, हीच सर्वांची अपेक्षा आहे.