दै चालु वार्ता 
उद्धव ठाकरे-फडणवीस भेटीनंतर; सपकाळही उद्धव ठाकरेंच्या भेटीला…
महाराष्ट्राच्या राजकीय वर्तुळात आज मोठी खळबळ उडाली आहे. शिवसेना (ठाकरे गट) प्रमुख उद्धव ठाकरे यांनी आज मुख्यमंत्री देवेंद्र फडणवीस यांची भेट घेतली. विधान परिषदेचे सभापती रामराजे नाईक-निंबाळकर यांच्या दालनात ही महत्त्वपूर्ण बैठक अर्धा तास चालली, त्यावेळी ठाकरे गटाचे नेते आदित्य ठाकरे हे देखील उपस्थित होते.
सपकाळही उद्धव ठाकरेंच्या भेटीला
दरम्यान, आजच दुसरीकडे काँग्रेसचे प्रदेशाध्यक्ष हर्षवर्धन सपकाळ यांनीही उद्धव ठाकरे यांची भेट घेतली. अंबादास दानवे यांच्या कार्यालयात सपकाळ हे उद्धव ठाकरेंच्या भेटीसाठी दाखल झाले. जनसुरक्षा विधेयकाबाबत महाविकास आघाडी राज्यपालांची भेट घेण्याचे नियोजन करत असून, याबाबत चर्चा करण्यासाठी सपकाळ आणि इतर काँग्रेस नेते उद्धव ठाकरेंना भेटले.
मनसेसोबत युतीची चर्चा; राज ठाकरे सावध भूमिकेत
याचबरोबर, मुंबईत विजयी मेळावा पार पडल्यानंतर शिवसेना (ठाकरे गट) प्रमुख उद्धव ठाकरे आणि मनसे प्रमुख राज ठाकरे यांच्या संभाव्य युतीसंदर्भातही जोरदार चर्चा सुरू आहे. मात्र, राज ठाकरे हे या युतीसंदर्भात सध्या सावध भूमिका घेत असल्याचे दिसून येत आहे.
फडणवीस-ठाकरे भेटीमुळे महाराष्ट्राच्या राजकारणात कोणते नवे समीकरण जुळणार, विरोधी पक्षनेतेपदाबाबत काय निर्णय होणार, आणि महाविकास आघाडीचे भवितव्य काय असेल, हे पाहणे औत्सुक्याचे ठरणार आहे.
महाराष्ट्राच्या राजकीय वर्तुळात आज मोठी खळबळ उडाली आहे. शिवसेना (ठाकरे गट) प्रमुख उद्धव ठाकरे यांनी आज मुख्यमंत्री देवेंद्र फडणवीस यांची भेट घेतली. विधान परिषदेचे सभापती रामराजे नाईक-निंबाळकर यांच्या दालनात ही महत्त्वपूर्ण बैठक अर्धा तास चालली, त्यावेळी ठाकरे गटाचे नेते आदित्य ठाकरे हे देखील उपस्थित होते.
