उपजिल्हा रुग्णालय देगलूर येथे “स्वस्थ नारी सशक्त परिवार” भव्य रोग निदान व उपचार शिबिर संपन्न

दैनिक चालू वार्ता देगलूर प्रतिनिधी- संतोष मनधरणे 

सेवा पंधरवाडा..

देशाचे लोकप्रिय पंतप्रधान जननायक नरेंद्रजी मोदी साहेब यांच्या वाढदिवसानिमित्त देशभरामध्ये 17 सप्टेंबर ते 2 ऑक्टोबर दरम्यान सेवा पंधरवाडा आयोजित करण्यात आला आहे.

केंद्र शासन व महाराष्ट्र शासन आरोग्य विभाग यांच्या संयुक्त विद्यमानाने

“स्वस्थ नारी सशक्त परिवार” या अभियाना अंतर्गत भव्य महाआरोग्य शिबिराचे आयोजन देगलूर शहरातील उप जिल्हा रुग्णालय येथे आज करण्यात आले, या आरोग्य शिबिराचे श्रीमती शीतलताई रावसाहेब अंतापुरकर यांच्या हस्ते फित कापून उद्घाटन करण्यात आले.

याप्रसंगी रोग निदान व उपचार साठी विविध स्टॉल लावण्यात आले, प्रातिनिधिक स्वरूपात फळ वाटप, आयुष्मान कार्ड वाटप, वयवंदना कार्ड वाटप करण्यात आले.

यावेळी सर्व प्रशासकीय अधिकारी व भारतीय जनता पक्षाचे सर्व पदाधिकारी उपस्थित होते.

कार्यक्रमाच्या सुरवातीस उपस्थित मान्यवरांच्या सोबत रुग्णालयातील सर्व अधिकारी, स्टाफ, कर्मचारी, रुग्ण व त्यांचे नातेवाईक यांनी सामूहिक अवयव दान शपथ घेतली.

या कार्यक्रमात आज एकूण 893 रुग्णांची तपासणी करण्यात आली.

नांदेड जिल्ह्याचे जिल्हा शल्य चिकित्सक मा.डॉ. संजय पेरके सर व निवासी वैद्यकिय अधिकारी मा. डॉ. राजाभाऊ बुट्टे सर यांनी संपुर्ण रुग्णालय, परिसर व कार्यक्रमाच्या ठिकाणी येऊन सर्व पाहणी केली आणि रुग्णाच्या काही समस्या जाणून घेतल्या त्यावर काय काय उपाय करता येईल या बाबत उपजिल्हा रुग्णालयाचे वैद्यकीय अधीक्षक डॉ. नरेश देवणीकर सर यांच्या उपस्थितीत सर्व अधिकारी व कर्मचारी यांना मार्गदर्शन केले. उत्कृष्ठ कार्यक्रमाचे आयोजन केले या बदल सर्व अधिकारी व कर्मचारी यांचे अभिनंदन केले.

या आरोग्य शिबिरात महिलांची रक्तदाब,मधुमेह,दंतरोग, नेत्ररोग,स्तन व गर्भाशय रोग, मुख व कर्करोग तपासणी, तसेच गरोदर महिलांसाठी लसीकरण सेवा, सोनोग्राफी, रक्त तपासणी सेवा, क्षयरोग तपासणी, किशोरवयीन मुलींची हिमोग्लोबिन तपासणी, मासिकपाळी स्वच्छता मार्गदर्शन, सिकलसेल आजार तपासणी, पोषण आहार मार्गदर्शन, मानसिक आरोग्य मार्गदर्शन,

नाक कान घसा, आयुष रुग्ण, लहान बालकांची तपासणी, इ. विशेष तज्ञ डॉक्टर तर्फे रुग्णांची तपासणी करण्यात आली, आयुष्मान कार्ड बनवणे,आभा कार्ड बनवणे, अवयव दान नोंदणी करणे, रक्तदान शिबिर इ. कार्यक्रमाचे यशस्वी आयोजन करण्यात आले.

हा कार्यक्रम यशस्वी करण्यासाठी डॉ. नरेश देवणीकर सर वैद्यकीय अधीक्षक उप जिल्हा रुग्णालय देगलूर यांच्या मार्गदर्शनाखाली उपजिल्हा रुग्णालयाचे सर्व अधिकारी, स्टाफ व कर्मचारी, असे सर्वांनी खूप मेहनत घेतली.