गुरुवारी संपूर्ण पुणे शहराचा पाणीपुरवठा बंद

दैनिक चालु वार्ता पुणे प्रतिनिधी -शाम पुणेकर.

पुणे : पर्वती पंपिंग, रॉ वॉटर पंपिंग, वडगाव, लष्कर, एसएनडीटी, वारजे, नवीन होळकर पंपिंग येथे येत्या गुरुवारी (२६ मे)विद्युत आणि स्थापत्यविषयक देखभाल दुरुस्तीची काही कामे करायची असल्यामुळे गुरुवारी संपूर्ण शहराचा पाणीपुरवठा बंद राहणार आहे. दुसऱ्या दिवशी म्हणजे शुक्रवारी (२७ मे) सकाळी उशिरा आणि कमी दाबाने पाणीपुरवठा होण्याची शक्यता महापालिकेच्या पाणीपुरवठा विभागाकडून व्यक्त करण्यात आली आहे.

शहरातील पाणीपुरवठा बंद राहणारा भाग

पर्वती जलकेंद्र भाग : शहरातील सर्व पेठा, दत्तवाडी परिसर, राजेंद्रनगर, लोकमान्य नगर, डेक्कन परिसर, शिवाजीनगर, स्वारगेट, पर्वती दर्शन, मुकुंदनगर, पर्वतीगाव, सहकारनगर, सातारा रोड, पद्मावती, बिबवेवाडी, तळजाई, कात्रज, धनकवडी, इंदिरानगर, कर्वे रोड ते एसएनडीटी, एरंडवणा, संपूर्ण कोथरूड, डडाणूकर कॉलनी, कर्वेनगर, लॉ कॉलेज रोड, सेमिन्नरी झोन, मिठानगर, शिवनेरीनगर, भाग्योदयनगर, ज्ञानेश्वरीनगर, साईबाबा नगर, सर्वेक्षण क्रमांक ४२ आणि ४६, कोंढवा खुर्द, पर्वती टँकर भरणा केंद्र, या परिसराचा पाणीपुरवठा बंद राहणार आहे.