दैनिक चालु वार्ता 
दैनिक चालु वार्ता प्रतिनिधी-संभाजी गोसावी
ठाणे : ठाणे जिल्ह्यांत संततधार पाऊस सुरु असून , अनेक ठिकाणी झाडे कोसळली आहेत . ठिकठिकाणी पाणी साचल्यांने वाहतुकीवर परिणाम झाला आहे . मुख्यमंत्री एकनाथ शिंदे यांच्या ठाण्यांतील बंगल्यासमोरही दुपारी झाड कोसळले . त्या ठिकाणी मुख्यमंत्री यांची वाहने उभी आहेत . दोन दिवसांपासून ठाण्यांसह जिल्ह्यांत मुसळधार पाऊस पडत आहेत . धो – धो कोसळणाऱ्या पावसांत रात्री मुख्यमंत्री शिंदे यांचे जंगी स्वागत करण्यांत आले . शिंदे हे ठाण्यांतील लुईसवाडी येथील घरी गेले . त्याठिकाणी पत्नी , सून आणि नातवाने त्यांचे स्वागत केले . सकाळी मुख्यमंत्र्यांनी राज्यांतील पावसाचा आढावा घेऊन सतर्क राहण्यांचा आदेश यंत्रणांना दिला . रात्रीपासून ठाण्यांत २३ झाडे कोसळली . दुपारी मुख्यमंत्री बंगल्यासमोर एक झाड दुपारी उन्मळून पडले . त्या ठिकाणी मुख्यमंत्र्यांची वाहने उभी होती . सुदैवाने वाहनांचे नुकसान झाले नाही . घटनास्थळी तातडीने पालिकेचे अतिरिक्त आयुक्त हेरवडे आणि आपत्कालीन यंत्रणेचे कर्मचारी पोहचले आणि पडलेले झाड बाजूला केले .
