दै चालु वार्ता 
आपल्या पृथ्वीला अवकाशातील वस्तूंमुळे मोठा धोका आहे हे पुन्हा एकादा समोर आले आहे. मानवी विज्ञानाने कितीही प्रगती केली असली तरी यंत्रणेला चुकवत अनेक लघुग्रह पृथ्वीवर आदळत आहेत
विशेष म्हणजे गेल्या वर्षभरात अशा घटनांमध्ये वाढ झाली आहे. अलिकडेच 22 ऑक्टोबरला एक लघुग्रह अलर्ट सिस्टमद्वारे पकडला गेला आणि अवघ्या तीन तासांनंतर पृथ्वीवर आदळला. हा लघुग्रह कुठे पडला? यामुळे किती नुकसान झाले ते सविस्तर जाणून घेऊयात.
कुठे घडली घटना?
वैज्ञानिकांना या लघुग्रहाला 2024 UQ असे नाव देण्यात आले. पृथ्वीच्या वातावरणात प्रवेश करण्याच्या अवघ्या दोन तास आधी त्याचा शोध लागला. त्याचा व्यास फक्त 3 फूट (1 मीटर) होता. त्यामुळे तो मोठा धोका नव्हता. 22 ऑक्टोबर रोजी लघुग्रह टेरेस्ट्रियल-इम्पॅक्ट लेट वॉर्निंग सिस्टम (ATLAS) द्वारे याचा शोध लागला. ATLAS हे पृथ्वीच्या जवळच्या वस्तूंचे निरीक्षण करण्यासाठी हवाई स्थित चार दुर्बिणींचा समूह आहे. या लघुग्रहाचा शोध लागल्यानंतर तो काही तासांतच, कॅलिफोर्नियाजवळील प्रशांत महासागरावरील वातावरणात हा लघुग्रह आदळला आणि क्षणात जळून खाक झाला. म्हणजेच तो पृष्टभागावर आदळला नाही, त्यामुळे कोणाचेही नुकसान झाले नाही.
युरोपियन स्पेस एजन्सीचे मोठे विधान
युरोपियन स्पेस एजन्सीच्या वतीने असे सांगण्यात आले की, “ATLAS सर्वेक्षणाला अशी चित्रे मिळाली होती, ज्यामध्ये एका वस्तूची पृथ्वीशी टक्कर होण्याची शक्यता खूप जास्त होती. ही वस्तू बराच वेळ पृथ्वीच्या कक्षेच्या आजूबाजूला फिरत होती. त्यानंतर हा लघुग्रह पृथ्वीच्या वातावरणात शिरला आणि पृथ्वीच्या पृष्टभागावर आदळण्यापूर्वीच जळून खाक झाला. त्यामुळे कोणतेही नुकसान घडली नाही.
वर्षभरातील तिसरी घटना
युरोपियन स्पेस एजन्सीच्या मते, या वर्षातील ही तिसरी घटना आहे, जेव्हा खगोलशास्त्रीय एजन्सी पृथ्वीवर आदळणारे लघुग्रह शोधू शकली नाही. आत्तापर्यंत असे फक्त 10 वेळा घडले आहे, मात्र वर्षभरातील ही तिसरी घटना आहे.
ट्रॅक सिस्टममध्ये काम करण्याची गरज
लघुग्रह टेरेस्ट्रियल-इम्पॅक्ट लेट वॉर्निंग सिस्टम (ATLAS) हे पृथ्वीच्या दिशेने येणाऱ्या वस्तू ट्रॅक सिस्टीमच्या मदतीने शोधते. मात्र काही वस्तू या यंत्रणेला सापडत नसल्याने यावर आणखी काम करण्याची गरज आहे. अन्यथा आगामी काळात अंतराळातील धोकादायक लघुग्रह पृथ्वीवर आदळून मोठा विनाश होण्याची भीती आहे.
