राज ठाकरेंविरोधात औरंगाबादमध्ये गुन्हा दाखल, पोलिसांकडून मनसे पदाधिकाऱ्यांना नोटीस

दैनिक चालु वार्ता औरंगाबाद प्रतिनिधी- मोहन आखाडे

औरंगाबादमधील सभेप्रकरणी मनसे अध्यक्ष राज ठाकरे यांच्या अडचणीत वाढ झालीये. मंगळवारी औरंगाबादमधील सिटी चौक पोलीस ठाण्यात राज ठाकरेंविरोधात गुन्हा दाखल करण्यात आला असून भारतीय दंड विधानातील कलम 116, 117, 153 अ तसेच महाराष्ट्र पोलीस कायद्यातील कलम 135 नुसार हा गुन्हा दाखल आला आहे.
राज ठाकरे यांनी १ मे रोजी औरंगाबादेत सभा घेतली होती. या सभेत राज ठाकरे यांनी मशिदीवरील भोंगे यावरुन टीकेची झोड उठवली होती. या भाषणाप्रकरणी राज ठाकरेंच्या अडचणीत वाढ झालीये. मंगळवारी दाखल करण्यात आलेल्या गुन्ह्यात दोन समुहांमध्ये भांडण लावल्याचा आरोप ठाकरेंवर करण्यात आलाय. तसेच प्रक्षोभक वक्तव्य करणे, अटींचं उल्लंघन केल्याचं एफआयआरमध्ये म्हटले आहे.
तसेच उद्या ४ तारखेच्या भोंगे हटविण्याच्या अल्टीमेटममुळे औरंगाबाद पोलीसांकडून मनसे पदाधिकाऱ्यांना कलम 149 अंतर्गत नोटीस देखील देण्यात आली आहे.