पुण्यात एटीएम मशिन फोडले; पाच हजार पळविले

दैनिक चालु वार्ता पुणे प्रतिनिधी – शाम पुणेकर.

पुणे : माॅडेल काॅलनीतील एका बँकेच्या एटीएम केंद्रात शिरलेल्या चोरट्याने एटीएमची तोडफोड करुन पाच हजारांची रोकड लांबविल्याची घटना घडली. याबाबत कॅनरा बँकेच्या माॅडेल काॅलनी शाखेतील व्यवस्थापक वैजनाथ खैरे (वय ४२) यांनी चतु:शृंगी पोलीस ठाण्यात फिर्याद दिली आहे.
दीपबंगला चौकातील कॅनरा बँकेच्या शाखेतील एटीएम केंद्रात शिरलेल्या चोरट्यांनी एटीएम मधील संवेदक निकामी केला आणि चोरटा एटीएम केंद्राबाहेर पाळत ठेवून थांबला. काही वेळानंतर एक ग्राहक एटीएम केंद्रात गेला. त्याने एटीएम यंत्रातून पाच हजारांची रोकड काढली. चोरट्याने संवेदक निकामी केल्याने एटीएममधील ज्या भागातून नोटा बाहेर पडतात. तेथे पाच हजारांच्या नोटा अडकल्या. मात्र, ग्राहकाला रोकड बाहेर काढता न आल्याने ग्राहक तेथून निघून गेला.
एटीएम केंद्राच्या बाहेर पाळत ठेवून थांबलेला चोरटा लगेचच एटीएम केंद्रात शिरला. ज्या भागात नोटा अडकल्या होत्या तो भाग स्क्रु ड्रायव्हरचा वापर करुन त्याने उचकटला आणि पाच हजारांची रोकड लांबवून पळाला