दैनिक चालु वार्ता 
दैनिक चालू वार्ता जव्हार प्रतिनिधी-दिपक काकरा.
तालुक्यातील मोगरा उत्पादन अधिक असून चांगल्या दर्जाची फुले असून उत्पादन होते परंतु सोयीनुसार बाजारपेठ गाठता येत नसल्याने बाजारभाव कोसळत आहे. प्रति किलो ८०० रू वरून ४०० रुपयावर
—— सुरेश गवळी मोगरा उत्पादक, शेतकरी
जव्हार: जव्हार तालुक्यात ग्रामीण भागातील शेतरकऱ्यांना फुलशेती लागवडीतून चांगल्या प्रकारे उत्पन्न यायला सुरुवात झाल्याने जीवनमान उंचावण्यास मदत व्हायला लागली होती परंतु सद्या बाजारात मोगरा फुलाचा भाव ४०० रुपये किलो पर्यंत खाली गडगडल्याने मोगरा उत्पदात शेतकरी संकटात सापडला आहे.सततचे हवामानात होणारे बदल,औषधे,खतांचे दर आणि वाहतुक खर्च वाढल्याने मजुरी व खर्च वसूल होत नसल्याने मोगरा उत्पादक शेतकरी अडचणीत आला आहे.
पालघर जिल्हयात वाडा,विक्रमगड,जव्हार,डहाणू, मोखाडा,तलासरी,पालघर,वसई या तालुक्यात मोग-याची लागवड केली जाते.जिल्ह्यात भातशेतीला जोड धंदा म्हणून गावठी कुक्कुटपालन,शेळी पालन,दुग्ध व्यवसाय केले जातात,फळबाग, वेलवर्गीय भाजीपाला,सुर्यफुलाची लागवड करून नगदी पिकांची लागवड केली जातेय.या लागवडी बरोबरच येथील शेतकरी हा मोग-याची लागवड करून आपले आर्थिक उत्पन्न कसे वाढवता येईल याचा प्रयत्न करत आहे.
या मोगरा लागवडीकडे ग्रामीण भागातील तरुण शेतकरीवर्ग याकडे लक्ष केंद्रीत करुन उदरनिर्वाहाचे साधन बनवलं आहे.मोगरा उत्पादक शेतकरी
भल्या पहाटे उठून तो बस ने ठाणे गाठत पुढे रेल्वेने मुंबईच्या बाजापेठेत जात असतो.तेथे त्याला ठरलेल्या बाजार भावात त्या मोगरा फुलला किंमत मिळते.यावर दिनचर्या चालविणाऱ्या होतकरू तरुणाला हवामानातील बदलाने मोगरा पिकांवर पांढरी माशी,करपा,मुरडा या रोगाचा प्रादुर्भाव वाढल्याने उत्पन्नात घट दिसुन येत आहे.
मोगरा पिकासाठी लागणारी किटकनाशके औषधांच्या किंमती वाढल्या आहेत.खतांच्या किंमती बरोबर पेट्रोल,डिझेलचे भाव वाढल्याने वाहतूकखर्च वाढला आहे.त्यामुळे मोगरा उत्पादक शेतक-यांचा हा उत्पादन खर्च वाढल्याने त्यांचा नफा कमी झाला असून बाजारात मोगरा फुलाला प्रति किलो ३४० रुपये ते ४०० रुपये भाव मिळतोय.याअगोदर हिवाळा महीण्यात या मोगरा पिकाला ७०० ते ८०० रुपये भाव मिळत असतो.हिवाळ्यामध्ये मोगरा उत्पादकता कमी असल्याने मागणीपेक्षा पुरवठा कमी होत असल्याने बाजारात चांगला भाव मिळतो तर उन्हाळ्यात मोग-याची उत्पादकता वाढल्याने मोगरा पिकाला कमी भाव मिळत असतो.यावेळी उत्पादकतेत वाढ आणि वातारणातील बदल रोगाचा प्रादुर्भावाने मोगरा पिकाची शेती करणारा शेतकरी अडचणीत सापडला आहे.मोगरा फुले विक्रीत कोरोना काळापासून मोठ्याप्रमाणात गडगडत आहे.
