पर्यावरणाचा ऱ्हास व जैवविविधतेचा समतोल साधण्यासाठी वृक्ष लागवड व संवर्धन गरजेचे—–युवराज माळी यांचे प्रतिपादन

दैनिक चालु वार्ता वृत्तसेवा-

[ राष्ट्रीय वृक्ष दिनानिमित्त डॉ. कलाम पुस्तक भिशी व देवकाई प्रतिष्ठानचा प्रेरणादायी उपक्रम ]

   ” पर्यावरणाचा ऱ्हास व जैवविविधतेचा समतोल साधण्यासाठी वृक्ष लागवड व संवर्धन गरजेचे “असे प्रतिपादन अथर्व प्रकाशनाचे प्रकाशक युवराज माळी यांनी अध्यक्षीय मार्गदर्शना प्रसंगी केले .राष्ट्रीय वृक्ष दिनानिमित्त बुद्ध जयंतीच्या पर्वात भारतरत्न डॉ.ए.पी.जे. अब्दुल कलाम पुस्तक भिशी व देवकाई प्रतिष्ठान जळगाव यांच्या संयुक्त विद्यमाने आयोजित वृक्षारोपण जळगाव येथे चंदु अण्णा नगर पुढील सद्गुरु बैठक सभागृह परिसरात दिनांक १६ मे २०२२ रोजी करण्यात आले.पेरु,सिताफळ,जामुन या प्रजातीच्या वृक्षांचे वृक्षारोपण निवृत्त ए.पी.आय.आर.आर मराठे, निवृत्त पी.एस.आय.सुरेंद्र काळे निवृत्त ए. एस.आय.कैलास जाधव, ज्येष्ठ कार्यकर्ते न्हानू दाभाडे, डॉ.कलाम पुस्तक भिशीचे संस्थापक जिल्हा प्रमुख विजय लुल्हे, देवकाई प्रतिष्ठानचे अध्यक्ष कला शिक्षक सुनिल दाभाडे मान्यवरांच्या हस्ते करण्यात आले. 

[ हरित शिक्षक पुरस्कार प्राप्त विजय लुल्हे मार्गदर्शनात म्हणाले,” वृक्ष लागवडीची आर्थिक व सामाजिक विकासाशी सांगड घालून त्याला लोकचळवळीचे रूप देऊन प्रत्येक नागरीकाने उत्स्फूर्तपणे वृक्षारोपण करणे काळाची नितांत गरज आहे.” सण आणि वृक्षवेलींशी असणारे वृक्षांचे धार्मिक महत्व आणि परसबागेत लागवड योग्य औषधीयुक्त वनस्पतींची माहिती लुल्हे यांनी सांगितली.]

‘ मी किमान एक तरी झाड लावीन व ते जगवीन ‘अशी प्रतिज्ञा निसर्ग प्रेमी चित्रकार सुनिल दाभाडे यांनी सर्व उपस्थित पर्यावरणप्रेमींकडून म्हणून घेतली.कार्यक्रमास निवृत्त शिक्षण उपसंचालक शाशिकांत हिंगोणेकर,निवृत्त माध्यमिक उप शिक्षणाधिकारी सिद्धार्थ नेतकर,पत्रकार दीपक महाले यांनी अमूल्य सहकार्य केले.परिसरातील एस.टी.वाहक भगवान कुमावत,हिरामण बाविस्कर ,नाना कुमावत यांच्यासह वृक्ष प्रेमी उपस्थित होते.सुत्र संचालन व आभार प्रदर्शन सुनिल दाभाडे यांनी केले.