क्रांतीसूर्याची सावली’ या कार्यक्रमाची संयोजन समिती गठित. सोनखेडमध्ये होणार क्रांतीसुरांची मानवंदना

दैनिक चालु वार्ता नांदेड प्रतिनिधी -गोविंद पवार

नांदेड दक्षिण मतदार संघातील व लोहा तालुक्यातील सोनखेड येथे दिनांक 27 मे 2022 रोजी शुक्रवारी सायंकाळी सहा वाजता होणाऱ्या ‘क्रांतीसूर्याची सावली’ या कार्यक्रमामध्ये, क्रांतीसुरांची संगीतमय मानवंदना सादर करणार आहेत. या कार्यक्रमाविषयीची संयोजन समिती गठीत करण्यात आली आहे.

सविस्तर वृत्त असे की, ‘बुद्ध,फुले,शाहू,आंबेडकर विचार मंच’ आयोजित, शाहीर विनोद गोडबोले प्रस्तुत.. ‘क्रांती सूर्याची सावली’ त्यागमूर्ती माता रमाई महापरिनिर्वाण दिनाचे औचित्य साधून तसेच बुद्धजयंती व महाकवी वामनदादा कर्डक यांच्या जन्मशताब्दी वर्षानिमित्त ‘क्रांती सूर्याची सावली’ या कार्यक्रमाचे सादरकर्ते ‘झी युवा संगीत सम्राट फेम- अजय देहाडे, दूरदर्शन सूरसागर फेम- पियुष वासनिक, सुप्रसिद्ध गायक निवेदक हर्षद कांबळे, सुप्रसिद्ध गायक निवेदक चेतन चोपडे, सुप्रसिद्ध गायक लोककलावंत विनोद गोडबोले हे क्रांती सुरांची मानवंदना देणार आहेत.

त्यामुळे या कार्यक्रमाची संयोजन समिती गठीत करण्यात आली असून, अध्यक्षपदी राहुल खिल्लारे, उपाध्यक्ष आनंद गोडबोले व तुकाराम खिल्लारे ग्रा प सदस्य, सचिव नंदकुमार ससाने, सहसचिव बाळासाहेब खिल्लारे, कोषाध्यक्ष आनंद धुतराज, सहकोषाध्यक्ष मोतीराम धुतराज, सल्लागार राम लोखंडे सर ,विष्णू गोडबोले, संभाजी खिल्लारे सर, लोभाजी गवारे, कैलाश गोडबोले, श्याम वाघमारे, नवनाथ शेळके, प्रसिद्धीप्रमुख – अमोल खिल्लारे व प्रज्ञाधर ढवळे सर, सदस्य- सुनील धुतराज, गणेश धुतराज, प्रकाश खिल्लारे,राजेश भोरगे, सचिन खिल्लारे, मिलिंद धुतराज,पप्पु सुर्यवंशी, महेश सावकार, मिलिंद गोडबोले, जनक गोडबोले, नागेश गोडबोले, गजानन गच्चे, सुदर्शन गोडबोले, अशी संयोजन समिती गठीत करण्यात आली.