अनुसया इंग्लिश स्कूलमध्ये विठु नामाचा जयजयकार !!!!! बाल वारकरी रमले विठु नामाच्या गजरात .

दैनिक चालु वार्ता नांदेड प्रतिनिधी- गोविंद पवार

लोहा – आषाढी एकादशीनिमित्त वारकऱ्यांसह भाविकांची पावले विठूमाउलींच्या ओढीने पंढरपूरकडे केव्हाच निघाली आहेत, मात्र शाळा तोंडावर येऊ घातलेली परीक्षा आणि अभ्यासाच्या दडपणात मागे राहिलेल्या चिमुकल्यांनाही विठुरायाच्या दर्शनाची आस लागली आहे.त्यांना प्रत्यक्ष तिथे पोहोचता येता येणार नसले, तरी पारंपरिक वेशभूषेत टाळ-मृदंगाच्या गजरात दिंडी काढून विठ्ठलनामाचा जयघोष करत त्यांनी त्यांचा भक्तिभाव विठुरायापर्यंत पोहोचवण्याचा प्रयत्न केला अनुसया इंग्लिश स्कूलमधील चिमुकल्या विद्यार्थ्यांनी केला.

शालेय विद्यार्थ्यांनी या संकल्पनेत सहभागी होऊन, हार फुलांनी सजवलेली पालखी बनविली होती. यात मुलांनी टाळ वाजविले, तर कोणी विद्यार्थ्यांनी विठुरायाचा जयघोष केला. चंद्रभागेच्या तीरी, विठ्ठल झाला, विठ्ठलनामाची शाळा भरली, अवघे गरजे पंढरपूर अशी गाणी, अभंग, भजन असे गीत मुलांना ऐकवण्यात आले.

या दिंडीच्या आकर्षक कार्यक्रमाचे आयोजन शाळेचे संचालक श्री मारोती लोखंडे सर मुख्याध्यापीका जोशी मॅडम शिक्षकवृंद व कर्मचारी वर्गाने केले होते