कब्बडी सामन्यात कमळेवाडी व वसंतनगर शाळेचे वर्चस्व  

दैनिक चालु वार्ता मुखेड तालुका प्रतिनिधी -सुरेश जमदाडे

मुखेड तालुक्यातिल वसंतनगर येथे दोन दिवसीय आयोजित कब्बडी सामन्यात विद्यानिकेतन पब्लिक स्कूल कमळेवडी व माध्यमिक आश्रम शाळा व सेवादास विद्यालय वसंतनगर येथील संघांनी बाजी मारत प्रथम, द्वितीय क्रमांक मिळविला.

माध्यमिक आश्रम शाळा वसंतनगर च्या वतिने कै.माजी आमदार गोविंदराव राठोड यांच्या ८ व्या पुण्यस्मरणानिमित्य

मंगळवार व बुधवार या दोन दिवशीय कब्बडी सामने आयोजित केले होते.पहिल्या दिवशी माजी आ.किशनराव राठोड यांच्या हस्ते कब्बडी सामन्यांचे उदघाटन करण्यात आले.हे सामने माध्यमिक व उच्चमाध्यमिक असे मुला – मुलींच्या संघात खेळवले गेले,यावेळी १९ संघांनी सहभाग घेतला होता.

या अटीतटीच्या सामन्यात 

पब्लिक स्कूल कमळेवाडी या शाळेने उच्च माध्यमिक मुला – मुलींच्या गटाने प्रथम क्रमांक मिळविला तर याच गटात द्वितीय क्रमांक   

उच्च माध्यमिक आश्रम शाळा वसंतनगर यांनी तर मुली च्या संघात सेवादास उच्च मा.विद्यालयाने पटकावला

तर माध्यमिक गटातुन मुला मध्ये माध्यमिक आश्रम शाळा कमळेवाडी फाटा,तर द्वितीय सेवादास माध्यमिक विद्यालय वसंतनगर यांनी तर मुलीमध्ये माध्यमिक आश्रम शाळा वसंतनगर तर द्वितीय माध्यमिक आश्रम शाळा कमळेवाडी यांनी पटकावत खेळाडुंनी खेळातिल कौशल्य दाखवून प्रेक्षकांची मने जिंकली.तर बुधवारी विजेत्या संघास बक्षीस वितरण करण्यात आले.

या कार्यक्रमाचे अध्यक्ष प्राचार्य दिलीप गायकवाड तर प्रमुख पाहुने म्हणून प्राचार्य डाॅ. हरिदास राठोड, मुख्याध्यापक गोविंद पवार,

प्रा.देविदास पवार,उप प्राचार्य मेघाजी गायकवाड,उपप्राचार्य शरद नाईक,उपमुख्याद्यापिका प्रेमला स्वामी,मुख्याध्यापक संदिप गेटकेवाड, क्रिडाविभागाचे प्रकाश पवार  

यांची प्रमुख उपस्थिती होती.

यावेळी पंच म्हणून प्रा.सुभाष देठे,तालुका क्रिडा अधिकारी एन.आर.पोटफोडे,डी.एन.गायकवाड,बाबु गंदपवाड,उत्तम हानमंते,संजय गायकवाड,

मनोहर सुर्यवंशी यांनी कामगिरी केली. 

कार्यक्रमाचे प्रास्ताविक रमेश डावकरे यांनी केले तर

सुञसंचलन गजानन गेडेवाड, तर आभार राजकुमार यल्लावाड यांनी मानले.तर कार्यक्रमाच्या यशस्वितेसाठी माध्यमिक व उच्चमाध्यमिक आश्रम शाळेच्या कर्मचा-यांनी परिश्रम घेतले.