दैनिक चालु वार्ता 
दैनिक चालू वार्ता उपसंपादक परभणी-दत्तात्रय वामनराव कराळे
परभणी : जुन्या पिढीतील ख्यातनाम सर्जन तथा बाल विद्यामंदीर या नामवंत शिक्षण संस्थेचे सर्वेसर्वा तथा माजी अध्यक्ष डॉ. पांडुरंग बंकटलाल नावंदर यांचे शुक्रवारी दुपारी नांदेड येथील एका खाजगी रुग्णालयात निधन झाले.
मृत्यूसमयी त्यांचे वय ८५ वर्ष एवढे होते .
डॉ.नावंदर यांच्या पश्चात पत्नी प्रा. वासंती, मुलगा डॉ. विवेक व विनय आणि मुलगी विनिता यांच्यासह सुना, नातवंडे असा मोठा परिवार आहे.
दरम्यान डॉ. नावंदर यांच्या पार्थिवावर शनिवारी सकाळी साडेनऊ वाजता परभणी शहरातील तथा जिंतूर रस्त्यावरील वैकुंठ स्मशानभूमीत अंत्यसंस्कार करण्यात येणार आहेत.
डॉ. नावंदर जुन्या पिढीतील नामवंत सर्जन होते. तसेच बाल विद्यामंदिर शिक्षण संस्थेच्या उभारणीत, जडणघडणीत आणि विस्तारीकरणात त्यांचे अमूल्य असे योगदान होते. अतिशय शांत, मनमिळावू व संयमी सद्गृहस्थ म्हणून ते सर्वदूर परिचत होते. त्यांच्या निधनाने नावंदर कुटुंबीयांसह नातेवाईकांना मोठा धक्का बसला आहे.
शिवसेनेचे सहसंपर्कप्रमुख डॉ. विवेक नावंदर यांचे ते वडील होत.
