हाळदा येथे जिजाऊ जन्मोत्सव सोहळा विविध उपक्रमाने मोठ्या उत्साहात संपन्न 

दैनिक चालु वार्ता उस्माननगर प्रतिनिधी -लक्ष्मण कांबळे

उस्माननगर:- उस्माननगर येथून जवळच असलेल्या हाळदा येथे राजमुद्रा सामाजिक संघटनेच्या वतीने राष्ट्रमाता ,राजमाता,माँसाहेब जिजाऊ जन्मोत्सव व राजा भगीरथ जयंतीच्या निमित्त हाळदा तालुका कंधार येथे दि.१९ जानेवारी रोजी सकाळी ११ वाजता उस्माननगर पोलीस स्टेशन चे सहायक पोलीस निरीक्षक पी.डी.भारती यांच्या हस्ते कार्यक्रमाचे उद्घाटन करण्यात आले यावेळी अध्यक्ष स्थानी संरपच हनंमतराव हाळदेकर होते.यावेळी रक्तदान शिबीराचे आयोजन करण्यात आले होते.यावेळी शिवप्रेमिनी ७३ जनांनी रक्तदान केले. यावेळी महिला अनुसया गोविंद पाटील शिंदे यांनी स्वयंस्फूर्तीने रक्तदान केले व आयोजकांनी त्यांचा व रक्त दात्याचा सत्कार केला. गुरू गोविंदसिंग ब्लड बँकचे प्रमुख सोनकांबळे व संपूर्ण कर्मचाऱ्याचा यथोचित सत्कार करण्यात आला.

दुसऱ्या सत्रात सायंकाळी ६:४० राजमुद्रा सामाजिक संघटनेच्या शाखेचे अनावर संस्थापक अध्यक्ष आदरणीय सचीन पाटील इंगोले यांच्या हस्ते करण्यात आले तर सायंकाळी ८ वाजता किर्तनाचे दिपप्रज्वलन करून कार्यक्रमाची सुरुवात करण्यात आली यानंतर सर्व मान्यवरांचा सत्कार करण्यात आला.

किर्तनकार सौ आशाताई सुनील राऊत लातूरकर यांचे कीर्तन सोहळा पार पडला यावेळी ताईंनी आपल्याला माँसाहेब जिजाऊ छत्रपती शिवाजी महाराज या महापुरूषांचे विचार अंगिकारले पाहिजे व माता भगिनींने देशसेवाकरावी व इतर विषयांवर अतिशय सुंदर किर्तन केले. यावेळी गावातील व बाहेर गावाहून आलेले नागरिक व महीलाची मोठ्या प्रमाणात उपस्थिती होती. वरील कार्यक्रमास राजमुद्रा संघटनेचे संस्थापक , अध्यक्ष सचिन पाटील इंगोले, प्रसिद्ध शिवव्याख्याते सोपान पाटील कदम, डॉ विजय वडजे , डॉ गणेश पवळे, मराठा सेवा संघाचे जिल्हा उपाध्यक्ष बळीराम पाटील पवार, धनराज पाटील लुगांरे ,प्रहार जिल्हाध्यक्ष शंकर भाऊ वडेवार, छावा तालुका अध्यक्ष संभाजी पाटील लाडेकर ,राजमुद्रा संघटनेचे तालुका अध्यक्ष पिंटु येलेवाड, साईनाथ गोडबोले, जिल्हा सचिव श्रीकांत पाटील बस्वदे ,बजरंग पाळेकर, विजय पिटलेवाड, माजी प. स. सदस्य विजय मंदावाड ,माजी उपसरपंच सचिन पाटील शिंदे , राजमुद्रा चे किरण गायकवाड, गंगाधर मोरे, अनिल येरडे ,चक्रधर शिंदे , प्रदिप पाटील शिंदे हे उपस्थित होते. तर आभारप्रदर्शन राजमुद्रा संघटनेचे जिल्हाध्यक्ष तथा आयोजक शहाजी पाटील शिंदे यांनी मानले