संत मीरा पब्लिक स्कूल व डॉ. वेदप्रकाश विद्यामंदिर परांडा येथे ‘बाल -दिंडी ‘सोहळा उत्साहात साजरा.. 

दै.चालु वार्ता परंडा प्रतिनिधी

धनंजय गोफणे

परांडा– शहरातील दि 28 जून 2023 बुधवार रोजी संत मीरा शाळेत विद्यार्थी वारकरी वेशात आलेले दिसले. महाराष्ट्रातील लोकपरंपरा, संस्कृतीक उत्सव, वारीतील अनुभव, आनंद व मनोरंजन याची माहिती विद्यार्थ्यांना व्हावी तसेच भजन, कीर्तन, संगीत व त्यासाठी वापरले जाणारे साहित्य इ सर्व गोष्टीचे आकलन विद्यार्थ्यांना अनुभवातून मिळावे यासाठी सहशालेय उपक्रमांतर्गत शाळेत या वर्षी आषाढी एकादशी निमित्त ‘बाल -दिंडी’ हा उपक्रम हाती घेतला होता. इ नर्सरी ते 12 वी पर्यंतच्या विद्यार्थ्यांनी यामध्ये उत्स्फूर्त सहभाग नोंदवला. विद्यार्थी सकाळपासूनच वारकरी वेशात आले होते, त्यामुळे शालेय वातावरण वारीमय व आनंदी होऊन गेले होते. पालखी, टाळ, मृदंग, पताका, झेंडे, तुळशी इ सर्व साहित्य मुलांनी आणले होते.
सुरुवातीला ह. भ. प . धर्मराज महाराज सामंगावकर यांच्या हस्ते प्रतिकात्मक पालखी पूजन करून विद्यार्थ्यांची दिंडी भजन व देशभक्तीपर गिते गात पालखी सोनारी रोडपर्यंत काढण्यात आली. त्यानंतर शाळेच्या मैदानावर प्रतीकात्मक गोल रिंगण करून भजन व गीताचा आनंद घेत गोलाकार रिंगण करून सर्व विद्यार्थ्यांनी भजनाला साद देत ठेका धरला.कधी उन कधी रिमझिम पाऊस पडत होता, अशातही विद्यार्थ्यांनी शिक्षकांनी दिंडीचा प्रचंड आनंद लुटला. विद्यार्थ्यांनी यावेळी अनेक प्रकारचे खेळ करून दाखवले.
मा. ह. भ. प. धर्मराज महाराज यांचे मार्गदर्शनाखाली , प्राचार्य संतोष भांडवलकर नियोजनानूसार , अशोक राठोड, सर्व शिक्षक व कर्मचारी, मृदूंग वादक खैरे महाराज यांच्या परिश्रमामुळे सोहळा उत्साहात पार पडला.