हाफ मर्डर ते ॲट्रॉसिटी, कराड-घुलेसह सर्व आरोपी सराईत गुन्हेगार, कुणावर किती गुन्हे?

मस्साजोगचे सरपंच संतोष देशमुख हत्या प्रकरण आणि खंडणी प्रकरणात पोलिसांनी आतापर्यंत ९ जणांना अटक केली आहे. यातील आठ आरोपी हे सराईत गुन्हेगार आहेत. प्रत्येकावर हत्या, जीवे मारण्याचा प्रयत्न, धमकी, खंडणी अशा प्रकारचे विविध गुन्हे दाखल आहेत.

यातील मुख्य आरोपी सुदर्शन घुलेवर तब्बल १९ तर वाल्मिक कराडवर १५ गुन्हे दाखल आहेत. तर संतोष देशमुख यांच्या लोकशनची टीप देणाऱ्या सिद्धार्थ सोनवणेवर एक गुन्हा दाखल आहे. त्यामुळे आता या सर्व आरोपींवर मकोका अंतर्गत कारवाई होणार का? अशी मागणी पुढे येत आहे.

सरपंच संतोष देशमुख हत्या प्रकरण, दोन कोटीची खंडणी, मारहाण आणि ॲट्रॉसिटी या गुन्ह्यातील आठ आरोपींवर खंडणी, हाफ मर्डरसह इतर गंभीर गुन्हे दाखल आहेत. घुलेविरोधात यापूर्वीही अपहरण केल्याची नोंद आहे. यामुळे सर्व गुन्हेगार सराईत असल्याची पुष्टी मिळते. त्यामुळे या आरोपींवर मोक्का अंतर्गत कारवाई होणार का? हे पाहणं महत्वाचं आहे..

मस्साजोग येथील सरपंच संतोष देशमुख यांची ९ डिसेंबर रोजी अपहरण करून हत्या करण्यात आली होती. यामध्ये सुदर्शन घुलेसह आठ आरोपींचा समावेश असल्याचं आतापर्यंत समोर आलं आहे. तर आवादा कंपनीच्या अधिकाऱ्याला दोन कोटी रुपयांची खंडणी मागितल्याच्या प्रकरणात वाल्मिक कराडसह तिघांविरोधात गुन्हा दाखल आहे. या सर्व गुन्ह्यांचा तपास एस आय टी, सीआयडी आणि स्थानिक पोलीस करत आहे. आतापर्यंत या गुन्ह्यांत नऊ आरोपींना अटक केली असून, ते सर्व सीआयडी कोठडीत आहेत.

कुणावर किती गुन्हे दाखल…

हत्या प्रकरणातील आरोपी
– सुदर्शन घुले- 19
– विष्णू चाटे – 2
– सुधीर सांगळे -2
– प्रतीक घुले -5
– जयराम चाटे -3
– महेश केदार- 6
– कृष्णा आंधळे- 6
– सिद्धार्थ सोनवणे – 1

खंडणी प्रकरणातील आरोपी
– वाल्मीक कराड – 15
– विष्णू चाटे -2
– सुदर्शन घुले- 19