दै चालु वार्ता 
ऑनर किलिंगने छत्रपती संभाजीनगर शहर पुन्हा एकदा हादरलं आहे. 17 वर्षांच्या मुलीची 200 फूट डोंगरावरून खाली ढकलून हत्या करण्यात आली आहे. प्रेम प्रकरणातून मुलीच्या सख्ख्या चुलत भावानेच तिला डोंगरावरून ढकलून दिलं आहे.
अंबड तालुक्यातील शहागडची मुलगी घर सोडून निघून गेली होती. घरच्यांकडून जीवाला धोका असल्याची तक्रार शहागड पोलिसांना दिली होती. त्यानंतर घरच्यांनी समजूत काढण्यासाठी मुलीला संभाजीpनगरच्या वळदगाव येथे काकाच्या घरी पाठवलं होतं.
काकाच्या मुलाने या अल्पवयीन मुलीला गोड बोलून खावडा डोंगरावर नेलं आणि तिकडून त्याने बहिणीलाच खाली ढकललं, यामध्ये मुलीचा मृत्यू झाला आहे. ही अल्पवयीन मुलगी 17 वर्ष 2 महिन्यांची आहे. याप्रकरणी पोलिसांकडून अधिक तपास सुरू आहे.
छत्रपती संभाजीनगरच्या वाळूज परिसरामध्ये खेवडा नावाचा डोंगर आहे. सख्ख्या चुलत भावाने आपल्याच बहिणीला या डोंगरावरून धक्का देऊन तिची हत्या केली आहे.
