लैंगिक संबंधांस संमती म्हणजे खाजगी क्षण रेकॉर्ड किंवा सोशल मीडियावर पोस्ट करण्याची संमती नाही..!

कोर्टाचा महत्वाचा निर्णय

एखाद्या महिलेने पुरुषासोबत लैंगिक संबंध ठेवण्यासाठी दिलेली संमती तिचे खाजगी क्षण टिपणे आणि सोशल मीडियावर अनुचित व्हिडिओ पोस्ट करता येत नाहीत, असे दिल्ली उच्च न्यायालयाने एका खटल्याच्या सुनावणी दरम्यान म्हटले आहे.

न्यायमूर्ती स्वर्णकांत शर्मा म्हणाले, ‘जरी तक्रारदाराने कोणत्याही वेळी लैंगिक संबंध ठेवण्यास संमती दिली असली तरी, अशा संमतीला कोणत्याही प्रकारे तिचा अनुचित व्हिडिओ कॅप्चर करण्याची आणि सोशल मीडिया प्लॅटफॉर्मवर पोस्ट करण्याची संमती म्हणून समजले जाणार नाही.

न्यायालयाने म्हटले आहे की शारीरिक संबंध ठेवण्याची संमती म्हणजे एखाद्या व्यक्तीच्या खाजगी क्षणांचा गैरवापर किंवा शोषण करणे किंवा त्यांचे चित्रण अनुचित आणि अपमानास्पद पद्धतीने करणे नाही. गेल्या वर्षी एका विवाहित महिलेने नोंदवलेल्या बलात्काराच्या गुन्ह्यात एका पुरूषाला जामीन नाकारताना खंडपीठाने हे निरीक्षण नोंदवले.

महिलेने आरोप केला आहे की आरोपीने तिला एका कोर्समध्ये प्रवेश घेण्यासाठी पैसे दिले होते, जे तिने नोकरी मिळाल्यानंतर परत करण्याचे आश्वासन दिले होते. एफआयआरनुसार, आरोपीने तिला ब्लॅकमेल करायला सुरुवात केली आणि तिला लैंगिक मागण्या पूर्ण करण्यास भाग पाडले.

तक्रारदार महिलने आरोपीने जे जे सांगितले ते सर्व केले. आरोपीविरुद्ध आरोप असे होते की त्याने तिला व्हॉट्सअॅप व्हिडिओ कॉल दरम्यान नग्न होण्यास सांगितले होते. नंतर त्याने तिला तिच्या मोबाईल फोनवर तिचा नग्न व्हिडिओ पाठवला आणि तिचा व्हिडिओ सार्वजनिक करण्याची धमकी देऊन दोन दिवस जबरदस्तीने तिच्याशी शारीरिक संबंध ठेवले.

एवढंच नाही तर त्याने हा व्हिडिओ तिच्या मूळ गावातील लोकांना पाठवून तिची बदनामी करण्यास सुरुवात केली होती आणि नंतर तिचा व्हिडिओ सोशल मीडिया प्लॅटफॉर्मवर पोस्ट केला होता. यामुळे पीडित महिला मानसिकरित्या खचली.