भारतीय नौदलाची ताकद वाढणार !

फ्रान्ससोबत मोठ्या संरक्षण कराराला मंजुरी…

भारतीय नौदलाच्या सामर्थ्यात लवकरच जबरदस्त भर पडणार आहे. भारत सरकारने फ्रान्सकडून तब्बल २६ राफेल सागरी लढाऊ विमाने खरेदी करण्याच्या कराराला मंजुरी दिली आहे. सुमारे ६३ हजार कोटी रुपयांचा हा करार लवकरच होऊ शकतो.

या करारांतर्गत भारतीय नौदलाला २२ सिंगल-सीटर आणि ४ ट्विन-सीटर असे एकूण २६ अत्याधुनिक राफेल सागरी लढाऊ विमाने मिळणार आहेत. ही जेट्स डसॉल्ट एव्हिएशन या फ्रान्सच्या नामांकित कंपनीकडून तयार करण्यात येणार आहेत.

नौदलाच्या ताकद वाढणार

ही विमाने भारतीय नौदलासाठी गेम-चेंजर ठरणार आहेत. समुद्रात शत्रूविरोधी मोहिमांमध्ये ही विमाने निर्णायक भूमिका बजावणार आहेत. विशेष म्हणजे, हे राफेल जेट विमानवाहू युद्धनौकांवरूनही ऑपरेट करता येणार आहेत, ज्यामुळे भारताची समुद्रावरची पकड आणखी मजबूत होणार आहे.

चीन आणि पाकिस्तानलाही मिळणार उत्तर

या करारामुळे भारताच्या नौदल आणि वायुदलाची क्षमता प्रचंड वाढणार असून चीन आणि पाकिस्तानसारख्या शत्रू राष्ट्रांवर सामरिक दबाव वाढवण्यास भारताला मदत होणार आहे. हा करार केवळ संरक्षणाच्या दृष्टीनेच नव्हे, तर भारताच्या जागतिक सामरिक शक्तीला एक नवीन ओळख देणारा ठरणार आहे.