चंद्रपूरातील “अम्मा का टिफिन” उपक्रमाची केली विरोधी पक्ष नेते अजित पवार यांनी तोंड भरुन स्तुती

दैनिक चालू वार्ता प्रतिनिधी-प्रदिप मडावी

अजित पवार यांनी दिली आ.किशोर जोरगेवार यांचे निवासस्थानी भेट

भेटी दरम्यान विदर्भातील अनेक आमदार व नेत्यांची उपस्थिती

चंद्रपूर

राज्याचे विरोधी पक्ष नेते अजित पवार हे आज(गुरुवारला) चंद्रपूर दौ-यावर असतांना त्यांनी चंद्रपूरचे आमदार किशोर जोरगेवार यांच्या निवासस्थानी पोहचत “अम्माची” भेट घेत अम्मा का टिफिन या उपक्रमाची माहिती जाणुन घेतली. गरजवंतांसाठी सुरु असलेल्या अम्मा का टिफिन या उपक्रमाचे त्यांनी कौतुक ही केले. या वेळी राजुरा विधानसभा क्षेत्राचे आमदार सुभाष धोटे, आमदार मनोहर चंद्रिकापुरे, आमदार राजु कारेमोरे, राष्ट्रवादी कॉंग्रेसचे ग्रामीण चंद्रपूर जिल्हाध्यक्ष राजेंद्र वैद्य, शहर जिल्हाध्यक्ष राजिव कक्कड, नगरसेवक दीपक जयस्वाल, माजी नगरसेवक बलराम डोडाणी, संजय वैद्य, रोटरी क्लब चंद्रपूरचे प्रकल्प प्रमुख अजय जयस्वाल, आदींची प्रामुख्याने उपस्थिती होती.

महाराष्ट्र राज्याचे विरोधी पक्ष नेते अजित पवार आज पूरग्रस्त भागाची पाहणी करण्यासाठी चंद्रपूर जिल्ह्याच्या दौऱ्यावर होते. यावेळी त्यांनी आमदार जोरगेवार यांच्या राजमाता निवासस्थानी भेट देत अम्माची अर्थात गंगुबाई जोरगेवार यांची भेट घेतली. आमदार किशोर जोरगेवार यांच्या संकल्पनेतून चंद्रपुर नगरीत सुरु करण्यात आलेल्या अम्मा का टिफिन या उपक्रमाची या भेटी दरम्यान त्यांनी पाहणी केली. नित्य सुरु असलेल्या उपक्रमाबद्दल त्यांनी सविस्तर माहिती जाऊन घेतली. सदरहु उपक्रमाच्या माध्यमातून दररोज १०० टिफिन गरजूंच्या निवासस्थानी पाठविल्या जात आहे. विषेश म्हणजे यात सातत्य असने ही मोठी गोष्ट असल्याचे सांगत या उपक्रमाचे विरोधी पक्षनेते अजित पवार यांनी कौतुक केले. यावेळी सदरहु टिफिनही उघडुन पाहत जेवणाच्या दर्जाची स्तुती केली तर अम्माचे तोंड भरुन कौतुक केले . अजित पवार यांनी अम्माच्या प्रकृतीची ही सहानभुतीने विचारपुस केली. या वेळी अम्मानेही मनमोकळे पणाने अजित पवार यांच्याशी संवाद साधला. गरिबीचे चटके सोसत कष्टाने कुटुंबाला सक्षम करण्याचे काम अम्माने केले आहे. त्यांनी आपला टोपल्या विकण्याचा व्यवसाय आजही सुरुच ठेवला आहे. या व्यवसायाचे अजित पवार यांनी कौतुक केले. निवासस्थानी भेटीच्या वेळी आमदार जोरगेवार यांनी शाल, पुष्पमाला, बांबू निर्मित तिरंगा ध्वज, संविधान पुस्तिका, ग्रामगीता, देत अजित पवार यांचे स्वागत केले. या प्रसंगी यंग चांदा ब्रिगेडचे महानगर जिल्हाध्यक्ष पंकज गुप्ता, महिला शहर संघटिका वंदना हातगावकर, युथ शहराध्यक्ष कलाकार मल्लारप, युवा नेते अमोल शेंडे अल्पसंख्यांक विभागाचे शहराध्यक्ष सलिम शेख, अल्पसंख्याक युथ शहराध्यक्ष राशेद हुसेन, बंगाली समाज शहराध्यक्ष विश्वजित शाहा, करणसिंह बैस, राम जंगम, नकुल वासमवार, मुन्ना जोगी, प्रविन पिंपळशेंडे, राम मेंढे, नितिन शाहा, विक्की रेगंटीवार, गौरव जोरगेवार, दिनेश इंगळे, अल्पसंख्याक विभागाच्या महिला शहराध्यक्ष कौसर खान, सायली येरणे, आशा देशमुख, विमल कातकर, शमा काजी, अस्मिता डोणारकर, वंदना हजारे यांच्यासह यंग चांदा ब्रिगेडच्या कार्यकर्त्यांची मोठ्या संख्येने उपस्थिती होती.