ज्येष्ठ स्वातंत्र्य सेनानी, माजी खासदार व माजी आमदार डॉ. भाई केशवरावजी शंकरराव धोंडगे यांच्या शतकपूर्तीनिमित्त त्यांच्या संसदीय व सामाजिक कार्याचा गौरव आज विधानसभेत करण्यात आला. यावेळी मुख्यमंत्री एकनाथ शिंदे यांनी केलेल्या भाषणातील मुद्दे

दैनिक चालु वार्ता परभणी जिल्हा प्रतिनिधी -दत्तात्रय कराळे

● श्री. केशवरावजी शंकरराव धोंडगे यांचा जन्म २५ जुलै १९२२ रोजी मन्याड व पार्वती नदीच्या खोऱ्यात वसलेल्या गऊळ या गावी झाला. त्यांचे शिक्षण बी. ए. पर्यंत झाले आहे.

● १९४८ साली श्री शिवाजी मोफत एज्युकेशन सोसायटीची स्थापना करून ज्ञानदानाचे कार्य

● औरंगाबाद, नांदेड, कंधार मधील वाडी तांड्यावरच्या मुलामुलींना शिक्षण घेण्याची संधी उपलब्ध करुन दिली आहे.

● ‘विद्या हेच जीवन ! अविद्या हे मरण !’ हे ब्रीद वाक्य
१२ प्राथमिक शाळा, ११ माध्यमिक व उच्च माध्यमिक विद्यालये, २ वरिष्ठ महाविद्यालये व एक विधी महाविद्यालय सुरु केले.

● हैद्राबाद मुक्ती संग्राम लढयात तसेच संयुक्त महाराष्ट्र चळवळीत सक्रीय सहभाग. आणीबाणीच्या काळात कारावासही सोसावा लागला होता.

● जनतेच्या न्याय हक्कासाठी श्री. धोंडगे यांनी अनेक आंदोलने

● १९५७, १९६२, १९७२, १९८५, १९९० असे पाच वेळा नांदेड जिल्ह्यातील कंधार मतदारसंघातून महाराष्ट्र विधानसभेवर निवडून आले होते. सन १९७० मध्ये ते लोकसभेवर निर्वाचित झाले होते.

● ‘वंदे मातरम्’ गीताने दोन्ही सभागृहांच्या सत्राचा प्रारंभ व्हावा अशी आग्रही मागणी. डिसेंबर, १९९० पासून दोन्ही सभागृहांच्या सत्रांचा प्रारंभ ‘वंदे मातरम्’ गीताने होऊ लागला आहे.

● मराठवाडा विकासासाठी स्वतंत्र मंडळ स्थापन करण्याचा ठराव विधानसभेत

● त्यांच्या प्रयत्नातून तत्कालीन मुख्यमंत्री श्री. सुधाकरराव नाईक यांनी लोहा तालुक्याच्या निर्मितीची घोषणा केली होती.

● तसेच स्वातंत्र्य सैनिकांच्या मुलांना सरकारी नोकरीत आरक्षण असावे विशेष प्रयत्न

● नांदेड जिल्ह्यात एसटी डेपोची मागणी, विधानसभेच्या मध्यवर्ती सभागृहात महात्मा फुले यांच्या तैलचित्राचे अनावरण, भारतरत्न डॉ. बाबासाहेब आंबेडकर यांचे समग्र साहित्य शासनाच्यावतीने प्रकाशित करण्याची मागणी अशा अनेक मागण्या त्यांनी शासन दरबारी मंजूर करुन घेतल्या, विविध संसदीय आयुधाचा वापर करून समाजपयोगी कामे कशी तडीस न्यावीत हे श्री. धोंडगे यांनी दाखवून दिले आहे.

● श्री. केशवरावजी धोंडगे जसे राजकारणी व समाजकारणी आहेत तसे ते पत्रकार व साहित्यिकही आहेत.

● लोहा तालुक्याच्या सीमेवर त्यांनी गुराखीगडाची निर्मिती केली. सन १९९१ पासून येथे दरवर्षी जागतिक गुराखी साहित्य संमेलन भरविले जाते.

● श्री. धोंडगे यांनी विपुल लेखन केले आहे. ‘जय क्रांती या सामाहिकाचे ते संपादक राहिले आहेत. त्यांनी आजतागायत सुमारे ३० पुस्तकाचे लेखन केले आहे.

● ‘दर्पणकार आचार्य बाळशास्त्री जांभेकर ज्येष्ठ संपादक पुरस्कार’, ‘धर्मवीर संभाजी महाराज पुरस्कार’, ‘मराठवाडा रत्न पुरस्कार’, ‘भारतीय विकास रत्न अॅवॉर्ड’ अशा अनेक पुरस्कारांनी त्यांना सन्मानित करण्यात आले आहे. ‘श्री शिवाजी लोक विद्यापीठ, कल्याण यांनी त्यांना मानद डि.लीट. पदवी प्रदान करुन सन्मानित केले आहे.

● अशा या ज्येष्ठ स्वातंत्र्यसेनानी, कष्टकरी, कामगार व दिनदुबळ्यांचा आवाज बुलंद करणाऱ्या लोकप्रतिनिधीने आज खऱ्या अर्थाने वयाचे शतक साजरे केले आहे. त्यानिमित्ताने या ज्येष्ठ स्वातंत्र्यसेनानीला दीर्घायुष्य लाभो अशा शुभेच्छा.

विधीमंडळ वार्ताहर संघातर्फे
संसदपट्टू केशवराव धोंडगे यांचा सत्कार
“”””””””””‘””””””””””””””””””'”””””””””””””””
ज्येष्ठ स्वातंत्र्यसैनिक, थोर संसदपट्टू डॉ. भाई केशवराव धोंडगे यांनी आपल्या वयाचे शतक पूर्ण केल्याबद्दल त्यांचा महाराष्ट्र विधानमंडळातर्फे विधानभवनात सन्मान करण्यात आला.
त्याच पर्वाचे औचित्य साधून मंत्रालय आणि विधिमंडळ वार्ताहर संघातर्फे अध्यक्ष मंदार पारकर, यांच्या हस्ते या. केशवराव धोंडगे यांचा सत्कार करण्यात आला. यावेळी केशवराव धोंडगे यांच्या पत्नी सौ. प्रभावती धोंडगे, सुपुत्र पुरुषोत्तम धोंडगे, ज्येठ पत्रकार अरविंद भानुशाली, योगेश वसंत त्रिवेदी, विजय भोसले, खंडुराज गायकवाड आदींनी उपस्थित होते.

ज्येष्ठ स्वातंत्र्य सेनानी, माजी खासदार व माजी आमदार डॉ. भाई केशवरावजी शंकरराव धोंडगे यांच्या शतकपूर्तीनिमित्त त्यांचा विधानभवनात पहिल्या मजल्यावर गौरव करण्यात येत आहे.
मुख्यमंत्री एकनाथ शिंदे, उपमुख्यमंत्री देवेंद्र फडणवीस, विरोधी पक्ष नेते अजित पवार आदी मान्यवर उपस्थित आहेत.