बल्लारपूर शहरातील सार्वजनिक शौचालयांची स्वच्छता फक्त कागदोपत्रीतच. !!!!  आम आदमी पार्टी, बल्लारपूर

दैनिक चालू वार्ता प्रतिनिधी -प्रदिप मडावी

चंद्रपूर

AAP” बल्लारपूर चे शहराध्यक्ष रविकुमार पुप्पलवार यांच्या मार्गदर्शनात CYSS विंग चे शहर उपाध्यक्ष आशिष गेडाम यांच्या नेतृत्वाखाली नगरपरिषदेच्या शौचालयांची पोल खोल अभियान राबविण्यात आले. बल्लारपूर शहरात नगरपरिषद तर्फे 2018 साली एकूण 19 शौचालये बांधली गेली होती, परंतु या शौचालयांची अवस्था अतिशय दुर्धर असल्याचे आशिष गेडाम यांनी निदर्शनास आणून दिले आहे. आम आदमी पक्षाने नगरपरिषद अधिकाऱ्यांकडून जेव्हा शौचालयांची माहिती घेतली तेव्हा ती शौचालये 70-80% स्वच्छ आहेतच असे अधिकाऱ्यांनी ठासून सांगितले मात्र परिस्थिती तर वेगळीच आहे. शौचालयांची अवस्था अशी आहे की नागरिक त्यांचा वापर सुद्धा करू शकत नाहीत. अपंग व्यक्तींसाठी सुद्धा सुविधांचा अभाव आहे. शौचालयांमध्ये पाण्याचा अपव्यय होत आहे. शौचालयांची अवस्था सुधारली गेली नाही तर पक्षातर्फे आंदोलन केले जाईल असा इशाराही आशिष गेडाम यांनी दिला.