मराठा समाजाच्या आंदोलकांवर झालेल्या लाठीहल्ल्याच्या निषेधार्थ माहूर कडकडीत बंद…
दै चालु वार्ता
1 min read
दै.चालु वार्ता
माहूर प्रतिनिधि विनोद भारती
माहुर :- जालना जिल्ह्यातील अंतरावाली- सराटी येथे मराठा समाजाच्या आरक्षणासाठी आंदोलन करणाऱ्या आंदोलकांवर पोलिसांनी दि.1 सप्टेंबर 2023 रोजी लाठीहल्ला केला. त्याचा निषेध म्हणून मराठा समाजाच्या विविध संघटनांकडून माहूर बंदचे आव्हान करण्यात आले होते. त्याला अनुसरून शहरातील सर्वच व्यापाऱ्यांनी आपली दुकाने बंद ठेवली.
शनिवारी सकाळीच मराठा समाजाच्या तरुणांनी अविनाश टनमने व जयकुमार अडकीने यांचे नेतृत्वात डॉ.बाबासाहेब आंबेडकर चौकात गृहमंत्री देवेंद्र फडणवीस यांच्या नावे शिमगा खेळून जोरदार घोषणाबाजी करीत त्यांच्या राजीनाम्याची मागणी केली, आणि टायर जाळला.सकल मराठा समाजाने उद्याला राज्यभर आंदोलन करण्याचे निश्चित केले आहे, तर आजच माहुर बंद पाळण्याचा आतताईपणा का? असा पत्रकारांनी प्रश्न केला असता उद्याला केरोळी फाट्यावर काही वेळ रास्तारोको आंदोलन करण्यात येईल, मात्र बंद पाळण्यात येणार नाही, असे आयोजकांनी स्पष्ट केले.आजच्या बंद साठी विनोद सूर्यवंशी, सोनू चौधरी, अमोल कदम, जयकांत मोरे, अमोल जाधव, अमोल शिंदे, मंगेश जाधव, निखिल पाटील, विजय जाधव, आदेश शिंदे,केशव जाधव, वैभव जाधव आदींनी प्रयत्न केले. बंदला उत्स्फूर्त प्रतिसाद दिल्याबद्दल आयोजकांनी व्यापाऱ्यांचे आभार मानले.
