गुरु पौर्णिमा निमित्त गुरूंचे कृतज्ञता कार्यक्रम संपन्न. गुरु माझा दीपस्तंभ, अंधारात मार्गदर्शक। ज्ञानरूपी अमृत देई, जीवन करी सार्थक॥ आधुनिक युगातील विद्यार्थी सुद्धा. गुरूंची कृतज्ञता व्यक्त करताना पाहून.  मन भरून येते श्री वेंकटेश पाटील सर

दैनिक चालु वार्ता उमरगा प्रतिनिधी-

उमरगा धाराशिव

भारती विद्यालय उमरगा येथे गुरुपौर्णिमा उत्साहात साजरी करण्यात आली.

प्रथमतः कै. तात्यारावजी मोरे आबा यांच्या पुतळ्याचे पूजन मुख्याध्यापक शाहूराज जाधव यांनी केले

या कार्यक्रमाच्या अध्यक्षस्थानी प्रशालेचे पर्यवेक्षक संजय देशमुख तर प्रमुख पाहुणे लक्ष्मणराव माने माजी मुख्याध्यापक बेडगा हे होते उपमुख्याध्यापक विक्रांत मोरे

यांच्या प्रमुख उपस्थितीत हा कार्यक्रम पार पडला.

भारतीय संस्कृतीत गुरूंना अनन्यसाधारण स्थान आहे. “गुरुर्ब्रह्मा, गुरुर्विष्णु, गुरुर्देवो महेश्वरः, गुरु साक्षात् परब्रह्म, तस्मै श्री गुरवे नमः” या श्लोकातून गुरुंची महती स्पष्ट होते. गुरु हा केवळ शिक्षक नसतो, तर तो आपल्या जीवनाचा मार्गदर्शक, प्रेरणास्थान आणि दीपस्तंभ असतो. गुरु आपल्याला अंधारातून प्रकाशाकडे घेऊन जातो, अज्ञानातून ज्ञानाकडे आणि चुकीच्या मार्गावरून योग्य दिशेकडे नेत असतो

आजच्या या आधुनिक युगातही गुरुंचे स्थान अबाधित आहे. मग ते आपले शाळेतील शिक्षक असोत, कॉलेजमधील प्राध्यापक असोत, किंवा आपल्या जीवनात मार्गदर्शन करणारे कोणतेही व्यक्ती असोत. गुरु आपल्याला केवळ पुस्तकी ज्ञानच देत नाहीत, तर जीवन जगण्याची कला, नैतिक मूल्ये आणि आत्मविश्वास शिकवतात. त्यांच्या मार्गदर्शनामुळे आपण आपल्या ध्येयापर्यंत पोहोचण्यासाठी सक्षम होतो.

गुरु पौर्णिमेच्या या पवित्र दिवशी आपण आपल्या गुरुंचे आभार मानले पाहिजेत. त्यांच्या कष्टामुळे आणि समर्पणामुळे आपण आज इथे आहोत. त्यांनी आपल्याला दिलेले ज्ञान, संस्कार आणि प्रेरणा यांचा आपण आदर केला पाहिजे. त्याचबरोबर, आपणही आपल्या जीवनात गुरुंसारखे वागण्याचा प्रयत्न केला पाहिजे. आपण जिथे जिथे शक्य असेल तिथे इतरांना मदत करून, ज्ञान पसरवून आणि चांगले मार्गदर्शन करून समाजाला योगदान देऊ शकू. यासाठी विद्यार्थ्यांनी या कार्यक्रमाचे आयोजन केले होते. यामध्ये अनेक विद्यार्थ्यांनी भाषणाच्या माध्यमातून आपल्या गुरु परंपरेची महती व्यक्त केला.यावेळी सूत्रसंचालन कुलकर्णी प्रणाली गिरीष इ 10 वी प्रास्ताविक चालुक्या अंबिका इ 10 वी तर आभार अंजली भोरे इ 10 वी अशा विविध मुलींनी मिळून आपल्या गुरुजनांबाबत कृतज्ञता व्यक्त करण्यासाठी या कार्यक्रमाचे नियोजन केले होते. यावेळी सर्व विद्यार्थी शिक्षक व शिक्षकेतर कर्मचारी उपस्थित होते.