प्रदीर्घ प्रतीक्षेनंतर आमदार लक्ष्मण जगताप यांना डिस्चार्ज

दैनिक चालु वार्ता पुणे प्रतिनिधी -शाम पुणेकर.

पुणे : पिंपरी : चिंचवड विधानसभा मतदार संघाचे भाजपचे आमदार लक्ष्मण जगताप यांच्या प्रकृतीत सुधारणा झाल्यामुळे आज त्यांना रुग्णालयातून घरी सोडण्यात आले आहे. डॉक्‍टरांनी काही दिवस आराम करण्याचा सल्ला दिला आहे. त्यामुळे त्यांच्यावर प्रेम करणारे हितचिंतकांनी त्यांना भेटण्यासाठी निवासस्थानी गर्दी करू नये, असे आवाहन बंधू आणि माजी नगरसेवक शंकर जगताप यांनी केले आहे.

आमदार जगताप ह्यांच्यावर आजारपणामुळे बाणेर येथील खासगी रुग्णालयात दीड महिन्यांपासून उपचार सुरू होते. पिंपरी-चिंचवडमधील नागरिकांनी जगताप यांच्या आरोग्यासाठी प्रार्थना, होमहवन केले होते. कार्यकर्त्यांचे हे प्रेम आणि प्रार्थना फळाला आली आणि त्यांच्या प्रकृतीत एक महिन्यानंतर स्थिर झाली.

आता त्यांच्या प्रकृतीत चांगली सुधारणा झाली आहे. त्यामुळे रुग्णालयातील डॉक्‍टरांनी त्यांना डिस्चार्ज दिला आहे. आमदार जगताप यांना रुग्णालयातून घरी सोडण्यात येणार असल्याची बातमी समजल्यानंतर त्यांना पाहण्यासाठी आणि त्यांच्या स्वागतासाठी कार्यकर्त्यांनी प्रचंड गर्दी केली होती