मुकेश अंबानी हे अदानी ग्रुपचे चेअरमन गौतम अदानी यांना मागे टाकत ठरले आशियातील सर्वात श्रीमंत व्यक्ती!

दैनिक चालु वार्ता वृत्तसेवा-

मुंबई : रिलायन्स इंडस्ट्रीजचे चेअरमन आणि एमडी मुकेश अंबानी हे ३ जून रोजी शेअर्समध्ये आलेल्या विक्रमी तेजीनंतर अदानी ग्रुपचे चेअरमन गौतम अदानी यांना मागे टाकत आशियातील सर्वात श्रीमंत व्यक्ती ठरले आहेत.

ब्लूमबर्ग बिलिनिअर्स इंडेक्स नुसार, मुकेश अंबानी हे आशियातील सर्वात श्रीमंत व्यक्ती ठरले आहेत.

ब्लूमबर्ग बिलिनिअर्स इंडेक्सनुसार, अंबानी यांची एकूण संपत्ती ९९.७ अब्ज डॉलर एवढी आहे. २०२२ मध्ये अंबानी यांच्या संपत्तीत ९.६९ अब्ज डॉलरने वाढ झाली आहे. जगभरातील अब्जाधीशांच्या यादीत मुकेश अंबानी आठव्या स्थानी आहेत. तर गौतम अदानी हे ९८.७ अब्ज डॉलरच्या संपत्तीसह नवव्या स्थानी आहेत.

टेस्लाचे मालक एलन मस्क हे २२७ अब्ज डॉलर संपत्तीसह या यादीत जगातील सर्वात श्रीमंत व्यक्ती ठरले आहेत. त्यानंतर अॅमेझॉनचे जेफ बेजोस हे १४९ अब्ज डॉलरच्या संपत्तीसह दुसऱ्या स्थानी आहेत.