॥ रे विठ्ठला||

दैनिक चालू वार्ता वृत्तसेवा-

विठ्ठल विठ्ठल | उधळीत रंग

नाराज श्रीरंग | क्रोधभरा १

रंक का उपाशी । राव तो तुपाशी

भांडावे कुणाशी | आकळेना २

रोज मरे त्यास । पुसेना रे कुणी

असे जरी गुणी । दुर्लक्षित ३

जागो जागी चाले । भ्रष्टाचार सारा

डांब त्यांना कारा । आवर्जुन ४

कोटींची उड्डाणे । पारावार नाही

कसा रे तू पाही । आंधळ्याने ५

औषधे महाग । महाग शिक्षण

कैसी विलक्षण । परिस्थिती ६

विठ्ठला विठ्ठला । न्याय कधी देशी

नको रे विदेशी 1 हस्तक्षेप ७

मरे कास्तकर । रडे कामगार

खासा देवदूत । पाठव रे ८

थोप नाही जरा । मूक आसवांना

लाभू दे सर्वांना । समाधान ९

काय ते डोंगर I काय बरं झाडी

पुरे एक काडी । पेटविण्या १०

पांडुरंगा आता । बस्स खेळ सारे

थांबूदे आता रे । कायमचे ११

सुनील चिटणीस

            जुलै २०२२